ٹاپ 5 اردو شاعری| ریختہ

ہے شام اودھ گیسوئے دلدار کا پرتو

اور صبح بنارس ہے رخ یار کا پرتو

واحد پریمی

تھکنا بھی لازمی تھا کچھ کام کرتے کرتے

کچھ اور تھک گیا ہوں آرام کرتے کرتے

ظفر اقبال

نہ جانے کہہ گئے کیا آپ مسکرانے میں

ہے دل کو ناز کہ جان آ گئی فسانے میں

پرویز شاہدی

گئی یک بہ یک جو ہوا پلٹ نہیں دل کو میرے قرار ہے

کروں اس ستم کو میں کیا بیاں مرا غم سے سینہ فگار ہے

بہادر شاہ ظفر

جاتے ہو خدا حافظ ہاں اتنی گزارش ہے

جب یاد ہم آ جائیں ملنے کی دعا کرنا

جلیل مانک پوری

آج کے منتخب ۵ شعر