Today's top 5 Urdu Shayari

ġham kā ḳhazāna terā bhī hai merā bhī

ye nazrāna terā bhī hai merā bhī

gham ka KHazana tera bhi hai mera bhi

ye nazrana tera bhi hai mera bhi

ḳhuub nibhegī ham donoñ meñ mere jaisā tū bhī hai

thoḌā jhūTā maiñ bhī Thahrā thoḌā jhūTā tū bhī hai

KHub nibhegi hum donon mein mere jaisa tu bhi hai

thoDa jhuTa main bhi Thahra thoDa jhuTa tu bhi hai

aate aate mirā naam sā rah gayā

us ke hoñToñ pe kuchh kāñptā rah gayā

aate aate mera nam sa rah gaya

us ke honTon pe kuchh kanpta rah gaya

zindagī tujh se har ik saañs pe samjhautā karūñ

shauq jiine kā hai mujh ko magar itnā bhī nahīñ

zindagi tujh se har ek sans pe samjhauta karun

shauq jine ka hai mujh ko magar itna bhi nahin

mujhe de rahe haiñ tasalliyāñ vo har ek taaza payām se

kabhī aa ke manzar-e-ām par kabhī haT ke manzar-e-ām se

mujhe de rahe hain tasalliyan wo har ek taza payam se

kabhi aa ke manzar-e-am par kabhi haT ke manzar-e-am se