Today's top 5 Urdu Shayari

ham to raat kā matlab samjheñ ḳhvāb, sitāre, chāñd, charāġh

aage kā ahvāl vo jaane jis ne raat guzārī ho

hum to raat ka matlab samjhen KHwab, sitare, chand, charagh

aage ka ahwal wo jaane jis ne raat guzari ho

rañg bāteñ kareñ aur bātoñ se ḳhushbū aa.e

dard phūloñ kī tarah mahke agar tū aa.e

rang baaten karen aur baaton se KHushbu aae

dard phulon ki tarah mahke agar tu aae

tū itnī dil-zada to na thī ai shab-e-firāq

aa tere rāste meñ sitāre luTā.eñ ham

tu itni dil-zada to na thi ai shab-e-firaq

aa tere raste mein sitare luTaen hum

ai soz-e-jāñ-gudāz abhī maiñ javān huuñ

ai dard-e-lā-ilāj ye umr-e-shabāb hai

ai soz-e-jaan-gudaz abhi main jawan hun

ai dard-e-la-ilaj ye umr-e-shabab hai

sailāb-e-zindagī ke sahāre baḌhe chalo

sāhil pe rahne vāloñ kā nām-o-nishāñ nahīñ

sailab-e-zindagi ke sahaare baDhe chalo

sahil pe rahne walon ka nam-o-nishan nahin