ٹاپ 5 اردو شاعری| ریختہ

ہے دسہرے میں بھی یوں گر فرحت و زینت نظیرؔ

پر دوالی بھی عجب پاکیزہ تر تیوہار ہے

نظیر اکبرآبادی

جو سنتے ہیں کہ ترے شہر میں دسہرا ہے

ہم اپنے گھر میں دوالی سجانے لگتے ہیں

جمنا پرشاد راہیؔ

میلے میں گر نظر نہ آتا روپ کسی متوالی کا

پھیکا پھیکا رہ جاتا تہوار بھی اس دیوالی کا

ممتاز گورمانی

بیس برس سے اک تارے پر من کی جوت جگاتا ہوں

دیوالی کی رات کو تو بھی کوئی دیا جلایا کر

ماجد الباقری

ہے تماشا گاہ سوز تازہ ہر یک عضو تن

جوں چراغان دوالی صف بہ صف جلتا ہوں میں

مرزا غالب

آج کے منتخب ۵ شعر