Today's top 5 Urdu Shayari

anā anā ke muqābil hai raah kaise khule

ta.alluqāt meñ haa.il hai baat kī dīvār

ana ana ke muqabil hai rah kaise khule

talluqat mein hail hai baat ki diwar

be-rabtiyoñ ne 'qadr' miTā.ī jo rabt kī

hai gosht ko bhī apne na ab ustuḳhvāñ se rabt

be-rabtiyon ne 'qadr' miTai jo rabt ki

hai gosht ko bhi apne na ab ustuKHwan se rabt

rahe tazkire amn ke āshtī ke

magar bastiyoñ par baraste rahe bam

rahe tazkire amn ke aashti ke

magar bastiyon par baraste rahe bam

ek nā-tavāñ rishta us se ab bhī baaqī hai

jis tarah duāoñ kā aur asar kā rishta hai

ek na-tawan rishta us se ab bhi baqi hai

jis tarah duaon ka aur asar ka rishta hai

ham ne kitne dhoke meñ sab jīvan kī barbādī kī

gaal pe ik til dekh ke un ke saare jism se shādī kī

hum ne kitne dhoke mein sab jiwan ki barbaadi ki

gal pe ek til dekh ke un ke sare jism se shadi ki