Mizaah Shayari

Apparently, humorous poetry is there to make you laugh but it has many dimensions that we generally do not know about. Reform is a hidden agenda of humorous poetry and the poet indulges into reformative act by choosing to satirize the subject. We have a small selection for you here.

akbar dabe nahīñ kisī sultāñ fauj se

lekin shahīd ho ga.e biivī nauj se

akbar dabe nahin kisi sultan ki fauj se

lekin shahid ho gae biwi ki nauj se

Akbar Allahabadi

ġhazab hai vo ziddī baḌe ho ga.e

maiñ leTā to uTh ke khaḌe ho ga.e

ghazab hai wo ziddi baDe ho gae

main leTa to uTh ke khaDe ho gae

Akbar Allahabadi

lipaT bhī na ruk 'akbar' ġhazab beauty hai

nahīñ nahīñ pe na ye hayā duty hai

lipaT bhi ja na ruk 'akbar' ghazab ki beauty hai

nahin nahin pe na ja ye haya ki duty hai

Akbar Allahabadi

is qadar thā khaTmaloñ chārpā.ī meñ hujūm

vasl dil se mire armān ruḳhsat ho gayā

is qadar tha khaTmalon ka chaarpai mein hujum

wasl ka dil se mere arman ruKHsat ho gaya

Akbar Allahabadi

jab ġham huā chaḌhā liiñ do botaleñ ikaTThī

mullā dauḌ masjid 'akbar' dauḌ bhaTTī

jab gham hua chaDha lin do botalen ikaTThi

mulla ki dauD masjid 'akbar' ki dauD bhaTTi

Akbar Allahabadi

dhamkā ke bose lūñgā ruḳh-e-rashk-e-māh

chandā vasūl hotā hai sāhab dabāv se

dhamka ke bose lunga ruKH-e-rashk-e-mah ka

chanda wasul hota hai sahab dabaw se

Akbar Allahabadi

haqīqī aur majāzī shā.erī meñ farq ye paayā

ki vo jaame se bāhar hai ye pājāme se bāhar hai

haqiqi aur majazi shaeri mein farq ye paya

ki wo jame se bahar hai ye pajame se bahar hai

Akbar Allahabadi

ta.alluq āshiq o māshūq to lutf rakhtā thā

maze ab vo kahāñ baaqī rahe biivī miyāñ ho kar

talluq aashiq o mashuq ka to lutf rakhta tha

maze ab wo kahan baqi rahe biwi miyan ho kar

Akbar Allahabadi

jab bhī vālid jafā yaad aa.ī

apne daadā ḳhatā yaad aa.ī

jab bhi walid ki jafa yaad aai

apne dada ki KHata yaad aai

Mohammad Yusuf Papa

begam bhī haiñ khaḌī huī maidān-e-hashr meñ

mujh se mire gunah hisāb ai ḳhudā na maañg

begam bhi hain khaDi hui maidan-e-hashr mein

mujh se mere gunah ka hisab ai KHuda na mang

Hashim Azimabadi

butoñ ke pahle bande the misoñ ke ab hue ḳhādim

hameñ har ahd meñ mushkil rahā hai bā-ḳhudā honā

buton ke pahle bande the mison ke ab hue KHadim

hamein har ahd mein mushkil raha hai ba-KHuda hona

Akbar Allahabadi

urdu se ho kyuuñ bezār english se kyuuñ itnā pyaar

chhoḌo bhī ye raTTā yaar twinkle twinkle little star

urdu se ho kyun bezar english se kyun itna pyar

chhoDo bhi ye raTTa yar twinkle twinkle little star

Anwar Masood

hai kāmyābī-e-mardāñ meñ haath aurat

magar ek aurat pe inhisār na kar

hai kaamyabi-e-mardan mein hath aurat ka

magar tu ek hi aurat pe inhisar na kar

Aziz Faisal

sirf mehnat kyā hai 'anvar' kāmyābī ke liye

koī uupar se bhī telephone honā chāhiye

sirf mehnat kya hai 'anwar' kaamyabi ke liye

koi upar se bhi telephone hona chahiye

Anwar Masood

aam terī ye ḳhush-nasībī hai

varna langḌoñ pe kaun martā hai

aam teri ye KHush-nasibi hai

warna langDon pe kaun marta hai

Saghar Khayyami

us beTī ne uThā rakkhī hai duniyā sar par

ḳhairiyat guzrī ki añgūr ke beTā na huā

us ki beTi ne uTha rakkhi hai duniya sar par

KHairiyat guzri ki angur ke beTa na hua

Agah Dehlvi

hoñT shīrīniyāñ college meñ jab baTne lagīñ

chaar din ke chhokre karne lage farhādiyāñ

honT ki shiriniyan college mein jab baTne lagin

chaar din ke chhokre karne lage farhadiyan

Hashim Azimabadi

laundry kholī thī us ke ishq meñ

par vo kapḌe ham se dhulvātā nahīñ

laundry kholi thi us ke ishq mein

par wo kapDe hum se dhulwata nahin

Akhtar Shirani

kyā pūchhte ho 'akbar'-e-shorīda-sar haal

ḳhufiya police se pūchh rahā hai kamar haal

kya puchhte ho 'akbar'-e-shorida-sar ka haal

KHufiya police se puchh raha hai kamar ka haal

Akbar Allahabadi

har mulk is ke aage jhuktā hai ehtirāman

har mulk hai father hindostāñ hamārā

har mulk is ke aage jhukta hai ehtiraman

har mulk ka hai father hindostan hamara

Shauq Bahraichi

ham ne kitne dhoke meñ sab jīvan barbādī

gaal pe ik til dekh ke un ke saare jism se shādī

hum ne kitne dhoke mein sab jiwan ki barbaadi ki

gal pe ek til dekh ke un ke sare jism se shadi ki

Syed Zameer Jafri

Related Tags