aur to kuchh bhī nahīñ hazrat-e-'māchis' lekin

aap meñ aag lagāne kā kamāl achchhā hai

aur to kuchh bhi nahin hazrat-e-'machis' lekin

aap mein aag lagane ka kamal achchha hai

vo un kā zamāna thā jahāñ aql baḌī thī

ye merā zamāna hai yahāñ bhaiñs baḌī hai

wo un ka zamana tha jahan aql baDi thi

ye mera zamana hai yahan bhains baDi hai

vaa.iz ko jo dekho to ghaTā-Top añdherā

saaqī ko jo dekho to kiran phuuT rahī hai

waiz ko jo dekho to ghaTa-Top andhera

saqi ko jo dekho to kiran phuT rahi hai

vaa.iz ne mujh meñ dekhī hai īmān kī kamī

vaa.iz meñ sirf dum kī kasar dekhtā huuñ maiñ

waiz ne mujh mein dekhi hai iman ki kami

waiz mein sirf dum ki kasar dekhta hun main

DhūñDiye ḳhair se jā kar koī moTī sasurāl

haath jo muft meñ aa.e to vo maal achchhā hai

DhunDiye KHair se ja kar koi moTi sasural

hath jo muft mein aae to wo mal achchha hai