aur to kuchh bhī nahīñ hazrat-e-'māchis' lekin

aap meñ aag lagāne kā kamāl achchhā hai

aur to kuchh bhi nahin hazrat-e-'machis' lekin

aap mein aag lagane ka kamal achchha hai

vo un kā zamāna thā jahāñ aql baḌī thī

ye merā zamāna hai yahāñ bhaiñs baḌī hai

wo un ka zamana tha jahan aql baDi thi

ye mera zamana hai yahan bhains baDi hai

vaa.iz ne mujh meñ dekhī hai īmān kī kamī

vaa.iz meñ sirf dum kī kasar dekhtā huuñ maiñ

waiz ne mujh mein dekhi hai iman ki kami

waiz mein sirf dum ki kasar dekhta hun main

jis maulvī ko aage paḌhānā thā merā aqd

Thahrā hai un kā aqd usī maulvī ke saath

jis maulwi ko aage paDhana tha mera aqd

Thahra hai un ka aqd usi maulwi ke sath

DhūñDiye ḳhair se jā kar koī moTī sasurāl

haath jo muft meñ aa.e to vo maal achchhā hai

DhunDiye KHair se ja kar koi moTi sasural

hath jo muft mein aae to wo mal achchha hai

vaa.iz ko jo dekho to ghaTā-Top añdherā

saaqī ko jo dekho to kiran phuuT rahī hai

waiz ko jo dekho to ghaTa-Top andhera

saqi ko jo dekho to kiran phuT rahi hai

hukm begam ke chalā karte haiñ jelar kī tarah

ab mirā ghar bhī mujhe jail huā jaatā hai

hukm begam ke chala karte hain jelar ki tarah

ab mera ghar bhi mujhe jail hua jata hai

ta.adād meñ haiñ aurteñ mardoñ se zyāda

qavvāliyāñ maujūd haiñ qavvāl nadārat

tadad mein hain aurten mardon se zyaada

qawwaliyan maujud hain qawwal nadarat

jo bhī hāregā vahī gāliyāñ degā us ko

jis barahman ne kahā hai ki ye saal achchhā hai

jo bhi haarega wahi galiyan dega us ko

jis barahman ne kaha hai ki ye sal achchha hai

jaise islām meñ hai rasm musalmānī kī

vaise hī ishq meñ hai chāk-garebānī kī

jaise islam mein hai rasm musalmani ki

waise hi ishq mein hai chaak-garebani ki

shaiḳh-jī rindoñ meñ jis din phañs ga.e

un kī dāḌhī noch Daalī jā.egī

shaiKH-ji rindon mein jis din phans gae

un ki daDhi noch Dali jaegi

adū kī maut par apnī ḳhushī kā ḳhvāb dekhā hai

ḳhudā-vandā kahīñ ye vāqi.a ulTā na ho jaa.e

adu ki maut par apni KHushi ka KHwab dekha hai

KHuda-wanda kahin ye waqia ulTa na ho jae

nār-o-jannat kī sunātā hai ḳhabar yuuñ vaa.iz

jaise aḳhbār vahāñ se tire naam aatā hai

nar-o-jannat ki sunata hai KHabar yun waiz

jaise aKHbar wahan se tere nam aata hai

donoñ hī ek haiñ lā-haul ho yā lafz-e-sharāb

ek shaitān ke ik shaiḳh ke kaam aatā hai

donon hi ek hain la-haul ho ya lafz-e-sharab

ek shaitan ke ek shaiKH ke kaam aata hai

nazm-e-jahāñ ko zer-o-zabar dekhtā huuñ maiñ

maada ke iḳhtiyār meñ nar dekhtā huuñ maiñ

nazm-e-jahan ko zer-o-zabar dekhta hun main

mada ke iKHtiyar mein nar dekhta hun main

sunte haiñ jitnī hasīnoñ se sivā hoñ bāteñ

utnā hī husn-e-bayāñ husn-e-kalām aatā hai

sunte hain jitni hasinon se siwa hon baaten

utna hi husn-e-bayan husn-e-kalam aata hai

is qadar sarf ilāhī mire ḳhūn-e-dil kā

ab mohabbat kā bajaT fail huā jaatā hai

is qadar sarf ilahi mere KHun-e-dil ka

ab mohabbat ka bajaT fail hua jata hai

allāh-re ro.ab-o-dāb-e-junūñ bhāgtā hai vo

jis kī taraf uThā ke nazar dekhtā huuñ maiñ

allah-re roab-o-dab-e-junun bhagta hai wo

jis ki taraf uTha ke nazar dekhta hun main

havādis jab kisī ko taak kar chāñTā lagāte haiñ

to haftoñ kyā mahīnoñ khopaḌī sahlā.ī jaatī hai

hawadis jab kisi ko tak kar chanTa lagate hain

to hafton kya mahinon khopaDi sahlai jati hai

uuñT kī tarah haiñ ye shaiḳh-o-barahman badnām

un hī be-chāroñ kā har baat meñ naam aatā hai

unT ki tarah hain ye shaiKH-o-barahman badnam

un hi be-chaaron ka har baat mein nam aata hai

saa.e kī tamannā meñ jahāñ baiTh gayā huuñ

chañdiyā pe vahīñ taak ke dīvār girī hai

sae ki tamanna mein jahan baiTh gaya hun

chandiya pe wahin tak ke diwar giri hai

butoñ par maiñ agar maa.il huuñ vo hūroñ pe maa.il haiñ

janāb-e-shaiḳh meñ bhī ye himāqat paa.ī jaatī hai

buton par main agar mail hun wo huron pe mail hain

janab-e-shaiKH mein bhi ye himaqat pai jati hai

ḳhatm jurm-e-nigāh ho jaa.e

kaash vaa.iz kā byaah ho jaa.e

KHatm jurm-e-nigah ho jae

kash waiz ka byah ho jae

mire par us ko sau durre na kahiye phir to kyā kahiye

tire āshiq kī mayyat doctor-ḳhāne meñ rakkhī hai

mere par us ko sau durre na kahiye phir to kya kahiye

tere aashiq ki mayyat doctor-KHane mein rakkhi hai