Today's top 5 Urdu Shayari

ai shaḳhs maiñ terī justujū se

be-zār nahīñ huuñ thak gayā huuñ

ai shaKHs main teri justuju se

be-zar nahin hun thak gaya hun

fareb-ḳhurda hai itnā ki mere dil ko abhī

tum aa chuke ho magar intizār baaqī hai

fareb-KHurda hai itna ki mere dil ko abhi

tum aa chuke ho magar intizar baqi hai

pahlū meñ mere dil ko na ai dard kar talāsh

muddat huī ġharīb vatan se nikal gayā

pahlu mein mere dil ko na ai dard kar talash

muddat hui gharib watan se nikal gaya

mere dil ko bhī paḌā rahne do

chiiz rakkhī huī kaam aatī hai

mere dil ko bhi paDa rahne do

chiz rakkhi hui kaam aati hai

baḌe salīqe se duniyā ne mere dil ko diye

vo ghaao jin meñ thā sachchā.iyoñ kā charkā bhī

baDe saliqe se duniya ne mere dil ko diye

wo ghao jin mein tha sachchaiyon ka charka bhi