Today's top 5 Urdu Shayari

har ik shikast-e-tamannā pe muskurāte haiñ

vo kyā kareñ jo musalsal fareb khāte haiñ

har ek shikast-e-tamanna pe muskuraate hain

wo kya karen jo musalsal fareb khate hain

shadīd dhuup meñ saare daraḳht suukh ga.e

bas ik duā kā shajar thā jo be-samar na huā

shadid dhup mein sare daraKHt sukh gae

bas ek dua ka shajar tha jo be-samar na hua

tum ne kaisā ye rābta rakkhā

na mile ho na fāsla rakkhā

tum ne kaisa ye rabta rakkha

na mile ho na fasla rakkha

zamāna husn nazākat balā jafā shoḳhī

simaT ke aa ga.e sab aap kī adāoñ meñ

zamana husn nazakat bala jafa shoKHi

simaT ke aa gae sab aap ki adaon mein

apne vahshat-zada kamre kī ik almārī meñ

terī tasvīr aqīdat se sajā rakkhī hai

apne wahshat-zada kamre ki ek almari mein

teri taswir aqidat se saja rakkhi hai