Today's top 5 Urdu Shayari

chārāgar ne bahr-e-taskīñ rakh diyā hai dil pe haath

mehrbāñ hai vo magar nā-āshnā-e-zaḳhm hai

chaaragar ne bahr-e-taskin rakh diya hai dil pe hath

mehrban hai wo magar na-ashna-e-zaKHm hai

tumhāre ahd-e-vafā ko maiñ ahd kyā samjhūñ

mujhe ḳhud apnī mohabbat pe e'tibār nahīñ

tumhaare ahd-e-wafa ko main ahd kya samjhun

mujhe KHud apni mohabbat pe e'tibar nahin

rahte the kabhī jin ke dil meñ ham jaan se bhī pyāroñ kī tarah

baiThe haiñ unhīñ ke kūche meñ ham aaj gunahgāroñ kī tarah

rahte the kabhi jin ke dil mein hum jaan se bhi pyaron ki tarah

baiThe hain unhin ke kuche mein hum aaj gunahgaron ki tarah

jo tū nahīñ hai to ye mukammal na ho sakeñgī

tirī yahī ahmiyat hai merī kahāniyoñ meñ

jo tu nahin hai to ye mukammal na ho sakengi

teri yahi ahmiyat hai meri kahaniyon mein

musalsal sochte rahte haiñ tum ko

tumheñ jiine kī aadat ho ga.ī hai

musalsal sochte rahte hain tum ko

tumhein jine ki aadat ho gai hai