Today's top 5 Urdu Shayari

maz.habī bahs maiñ ne kī hī nahīñ

fāltū aql mujh meñ thī hī nahīñ

mazhabi bahs main ne ki hi nahin

faltu aql mujh mein thi hi nahin

abhī haiñ qurb ke kuchh aur marhale baaqī

ki tujh ko pā ke hameñ phir tirī tamannā hai

abhi hain qurb ke kuchh aur marhale baqi

ki tujh ko pa ke hamein phir teri tamanna hai

dekhūñ to jurm aur na dekhūñ to kufr hai

ab kyā kahūñ jamāl-e-ruḳh-e-fitnagar ko maiñ

dekhun to jurm aur na dekhun to kufr hai

ab kya kahun jamal-e-ruKH-e-fitnagar ko main

jiinā mushkil to bahut hai tirī is duniyā meñ

lekin is ḳhvāb ko marnā bhī nahīñ chāhiye hai

jina mushkil to bahut hai teri is duniya mein

lekin is KHwab ko marna bhi nahin chahiye hai

taḌaptī phir rahī hai barq ab tak

ulajh baiThī thī mere āshiyāñ se

taDapti phir rahi hai barq ab tak

ulajh baiThi thi mere aashiyan se