Today's top 5 Urdu Shayari

raushnī bāñTtā huuñ sarhadoñ ke paar bhī maiñ

ham-vatan is liye ġhaddār samajhte haiñ mujhe

raushni banTta hun sarhadon ke par bhi main

ham-watan is liye ghaddar samajhte hain mujhe

maiñ is liye hujūm kā hissa nahīñ banā

sūraj kabhī nujūm kā hissa nahīñ banā

main is liye hujum ka hissa nahin bana

suraj kabhi nujum ka hissa nahin bana

tumheñ manāne kā mujh ko ḳhayāl kyā aa.e

ki apne aap se rūThā huā to maiñ bhī huuñ

tumhein manane ka mujh ko KHayal kya aae

ki apne aap se ruTha hua to main bhi hun

tū mujhe bante bigaḌte hue ab ġhaur se dekh

vaqt kal chaak pe rahne de na rahne de mujhe

tu mujhe bante bigaDte hue ab ghaur se dekh

waqt kal chaak pe rahne de na rahne de mujhe

āñkhoñ ke ḳhvāb dil kī javānī bhī le gayā

vo apne saath merī kahānī bhī le gayā

aankhon ke KHwab dil ki jawani bhi le gaya

wo apne sath meri kahani bhi le gaya