Today's top 5 Urdu Shayari

pā ke ik terā tabassum muskurā.ī kā.enāt

jhuum uTThā vo bhī dil jiine se jo bezār thā

pa ke ek tera tabassum muskurai kaenat

jhum uTTha wo bhi dil jine se jo bezar tha

dostoñ se is qadar sadme uThā.e jaan par

dil se dushman kī adāvat kā gila jaatā rahā

doston se is qadar sadme uThae jaan par

dil se dushman ki adawat ka gila jata raha

vo kisī ko yaad kar ke muskurāyā thā udhar

aur maiñ nādān ye samjhā ki vo merā huā

wo kisi ko yaad kar ke muskuraya tha udhar

aur main nadan ye samjha ki wo mera hua

gaahe gaahe kī mulāqāt hī achchhī hai 'amīr'

qadr kho detā hai har roz kā aanā jaanā

gahe gahe ki mulaqat hi achchhi hai 'amir'

qadr kho deta hai har roz ka aana jaana

namāz shukr kī paḌhtā hai jaam toḌ ke shaiḳh

vuzū ke vāste letā hai ābrū-e-sharāb

namaz shukr ki paDhta hai jam toD ke shaiKH

wuzu ke waste leta hai aabru-e-sharab