ٹاپ 5 اردو شاعری| ریختہ

ہمیں معشوق کو اپنا بنانا تک نہیں آتا

بنانے والے آئینہ بنا لیتے ہیں پتھر سے

صفی اورنگ آبادی

وفا کریں گے نباہیں گے بات مانیں گے

تمہیں بھی یاد ہے کچھ یہ کلام کس کا تھا

داغؔ دہلوی

کچھ اس طرح سے گزاری ہے زندگی جیسے

تمام عمر کسی دوسرے کے گھر میں رہا

احمد فراز

نظر نواز نظارہ بدل نہ جائے کہیں

ذرا سی بات ہے منہ سے نکل نہ جائے کہیں

دشینت کمار

یا وہ تھے خفا ہم سے یا ہم ہیں خفا ان سے

کل ان کا زمانہ تھا آج اپنا زمانا ہے

جگر مراد آبادی

آج کے منتخب ۵ شعر