Today's top 5 Urdu Shayari

ham na kahte the hañsī achchhī nahīñ

aa ga.ī āḳhir rukāvaT dekhiye

hum na kahte the hansi achchhi nahin

aa gai aaKHir rukawaT dekhiye

ham na kahte the ki saudā zulf kā achchhā nahīñ

dekhiye to ab sar-e-bāzār rusvā kaun hai

hum na kahte the ki sauda zulf ka achchha nahin

dekhiye to ab sar-e-bazar ruswa kaun hai

muskurāte hue miltā huuñ kisī se jo 'zafar'

saaf pahchān liyā jāatā huuñ royā huā maiñ

muskuraate hue milta hun kisi se jo 'zafar'

saf pahchan liya jaata hun roya hua main

aap aa.e haiñ so ab ghar meñ ujālā hai bahut

kahiye jaltī rahe yā sham.a bujhā dī jaa.e

aap aae hain so ab ghar mein ujala hai bahut

kahiye jalti rahe ya shama bujha di jae

na.e kapḌe badal kar jā.ūñ kahāñ aur baal banā.ūñ kis ke liye

vo shaḳhs to shahr hī chhoḌ gayā maiñ bāhar jā.ūñ kis ke liye

nae kapDe badal kar jaun kahan aur baal banaun kis ke liye

wo shaKHs to shahr hi chhoD gaya main bahar jaun kis ke liye