Today's top 5 Urdu Shayari

ab dekhtā huuñ maiñ to vo asbāb hī nahīñ

lagtā hai rāste meñ kahīñ khul gayā badan

ab dekhta hun main to wo asbab hi nahin

lagta hai raste mein kahin khul gaya badan

tujhe paane kī koshish meñ kuchh itnā kho chukā huuñ maiñ

ki tū mil bhī agar jaa.e to ab milne kā ġham hogā

tujhe pane ki koshish mein kuchh itna kho chuka hun main

ki tu mil bhi agar jae to ab milne ka gham hoga

aaj kī raat bhī guzrī hai mirī kal kī tarah

haath aa.e na sitāre tire āñchal kī tarah

aaj ki raat bhi guzri hai meri kal ki tarah

hath aae na sitare tere aanchal ki tarah

tanhā.ī meñ karnī to hai ik baat kisī se

lekin vo kisī vaqt akelā nahīñ hotā

tanhai mein karni to hai ek baat kisi se

lekin wo kisi waqt akela nahin hota

hazāroñ kaam mohabbat meñ haiñ maze ke 'dāġh'

jo log kuchh nahīñ karte kamāl karte haiñ

hazaron kaam mohabbat mein hain maze ke 'dagh'

jo log kuchh nahin karte kamal karte hain