Asbaab Shayari

kuchh usūloñ nasha thā kuchh muqaddas ḳhvāb the

har zamāne meñ shahādat ke yahī asbāb the

kuchh usulon ka nasha tha kuchh muqaddas KHwab the

har zamane mein shahadat ke yahi asbab the

Hasan Naim

merī rusvā.ī ke asbāb haiñ mere andar

aadmī huuñ so bahut ḳhvāb haiñ mere andar

meri ruswai ke asbab hain mere andar

aadmi hun so bahut KHwab hain mere andar

Asad Badayuni

apne jiine ke ham asbāb dikhāte haiñ tumheñ

dosto aao ki kuchh ḳhvāb dikhāte haiñ tumheñ

apne jine ke hum asbab dikhate hain tumhein

dosto aao ki kuchh KHwab dikhate hain tumhein

Saleem Siddiqui

ab dekhtā huuñ maiñ to vo asbāb nahīñ

lagtā hai rāste meñ kahīñ khul gayā badan

ab dekhta hun main to wo asbab hi nahin

lagta hai raste mein kahin khul gaya badan

Farhat Ehsas

yahī bahut the mujhe naan o aab o sham.a o gul

safar-nazhād thā asbāb muḳhtasar rakkhā

yahi bahut the mujhe nan o aab o shama o gul

safar-nazhad tha asbab muKHtasar rakkha

Afzal Ahmad Syed

us ke asbāb se niklā hai pareshāñ kāġhaz

baat itnī thī magar ḳhuub uchhālī ham ne

us ke asbab se nikla hai pareshan kaghaz

baat itni thi magar KHub uchhaali hum ne

Manzar Naqvi

TukḌe ka.ī ik dil ke maiñ aapas meñ siye haiñ

phir sub.h talak rone ke asbāb kiye haiñ

TukDe kai ek dil ke main aapas mein siye hain

phir subh talak rone ke asbab kiye hain

Qayem Chandpuri

kabhī to mimbar-o-mehrāb tak bhī aa.egā

ye qahr qahr ke asbāb tak bhī aa.egā

kabhi to mimbar-o-mehrab tak bhi aaega

ye qahr qahr ke asbab tak bhi aaega

Saeedullah Qureshi