ٹاپ 5 اردو شاعری| ریختہ

یہ لمحہ لمحہ زندہ رہنے کی خواہش کا حاصل ہے

کہ لحظہ لحظہ اپنے آپ ہی میں مر رہا ہوں میں

مشفق خواجہ

مجھے بھی لمحۂ ہجرت نے کر دیا تقسیم

نگاہ گھر کی طرف ہے قدم سفر کی طرف

شہپر رسول

یہ لمحہ لمحہ تکلف کے ٹوٹتے رشتے

نہ اتنے پاس مرے آ کہ تو پرانا لگے

زبیر رضوی

اک خوف بے پناہ ہے آنکھوں کے آر پار

تاریکیوں میں ڈوبتا لمحہ ہے سامنے

سلطان اختر

دل کو ہر لمحہ بچاتے رہے جذبات سے ہم

اتنے مجبور رہے ہیں کبھی حالات سے ہم

جاں نثاراختر

آج کے منتخب ۵ شعر