Today's top 5 Urdu Shayari

be-nām masāfat hī muqaddar hai to kyā ġham

manzil kā ta.ayyun kabhī hotā hai safar se

be-nam masafat hi muqaddar hai to kya gham

manzil ka tayyun kabhi hota hai safar se

vo ajab ghaḌī thī maiñ jis ghaḌī liyā dars nusḳha-e-ishq kā

ki kitāb aql kī taaq par juuñ dharī thī tyuuñ hī dharī rahī

wo ajab ghaDi thi main jis ghaDi liya dars nusKHa-e-ishq ka

ki kitab aql ki taq par jun dhari thi tyun hi dhari rahi

jāma-zeboñ ko kyuuñ tajūñ ki mujhe

gher rakhtā hai daur dāman kā

jama-zebon ko kyun tajun ki mujhe

gher rakhta hai daur daman ka

ghar kī ta.amīr tasavvur hī meñ ho saktī hai

apne naqshe ke mutābiq ye zamīñ kuchh kam hai

ghar ki tamir tasawwur hi mein ho sakti hai

apne naqshe ke mutabiq ye zamin kuchh kam hai

laḌkhaḌā kar gir paḌī ūñchī imārat daf.atan

daf.atan ta.amīr kī kursī pe khañDar jam gayā

laDkhaDa kar gir paDi unchi imarat dafatan

dafatan tamir ki kursi pe khanDar jam gaya