usī se mujh ko milā ishtiyāq manzil kā

mire safar ko fazā-e-safar usī se milī

usi se mujh ko mila ishtiyaq manzil ka

mere safar ko faza-e-safar usi se mili

sher ke ruup meñ dete rahnā

'ehtirām' apnī ḳhabar aage bhī

sher ke rup mein dete rahna

'ehtiram' apni KHabar aage bhi

saath rakhiye kaam aa.egā bahut nām-e-ḳhudā

ḳhauf gar jaagā to phir kis ko sadā dī jā.egī

sath rakhiye kaam aaega bahut nam-e-KHuda

KHauf gar jaga to phir kis ko sada di jaegi

tauqīr añdheroñ kī baḌhā dī ga.ī shāyad

ik sham.a jo raushan thī bujhā dī ga.ī shāyad

tauqir andheron ki baDha di gai shayad

ek shama jo raushan thi bujha di gai shayad

is baar bhī sho.aloñ ne machā Daalī tabāhī

is baar bhī sho.aloñ ko havā dī ga.ī shāyad

is bar bhi shoalon ne macha Dali tabahi

is bar bhi shoalon ko hawa di gai shayad