surKH mausam ki kahani hai purani ho na ho

Ehteram Islam

surKH mausam ki kahani hai purani ho na ho

Ehteram Islam

MORE BYEhteram Islam

    surḳh mausam kahānī hai purānī ho na ho

    āsmāñ rañg aage āsmānī ho na ho

    ḳhvāb meñ mujh ko nazar aatī haiñ bhīgī sīpiyāñ

    aañkh khulne par tirī āñkhoñ meñ paanī ho na ho

    saath hotī hai mire har gaam par sanjīdgī

    ho rahī hai duur ab mujh se javānī ho na ho

    har jagah niklegī terī baat mujh ko dekh kar

    tazkira terā kahīñ merī zabānī ho na ho

    raushnī dete raheñge mujh ko zaḳhmoñ ke charāg

    ab añdhere meñ kahīñ se zau-fishānī ho na ho

    ik taraf merī anā hai ik taraf terī ḳhushī

    aa gayā mere liye pal imtihānī ho na ho

    zahr paanī meñ honā tai-shuda hai 'ehtirām'

    āgahī ke ghaaT par dariyā meñ paanī ho na ho

    surKH mausam ki kahani hai purani ho na ho

    aasman ka rang aage aasmani ho na ho

    KHwab mein mujh ko nazar aati hain bhigi sipiyan

    aankh khulne par teri aankhon mein pani ho na ho

    sath hoti hai mere har gam par sanjidgi

    ho rahi hai dur ab mujh se jawani ho na ho

    har jagah niklegi teri baat mujh ko dekh kar

    tazkira tera kahin meri zabani ho na ho

    raushni dete rahenge mujh ko zaKHmon ke charag

    ab andhere mein kahin se zau-fishani ho na ho

    ek taraf meri ana hai ek taraf teri KHushi

    aa gaya mere liye pal imtihani ho na ho

    zahr ka pani mein hona tai-shuda hai 'ehtiram'

    aagahi ke ghaT par dariya mein pani ho na ho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY