bas ek ḳhauf thā zinda tirī judā.ī kā

mirā vo āḳhirī dushman bhī aaj maarā gayā

bas ek KHauf tha zinda teri judai ka

mera wo aaKHiri dushman bhi aaj mara gaya

ḳhvāb dekhā thā mohabbat kā mohabbat kī qasam

phir isī ḳhvāb kī tābīr meñ masrūf thā maiñ

KHwab dekha tha mohabbat ka mohabbat ki qasam

phir isi KHwab ki tabir mein masruf tha main

junūñ kā koī fasāna to haath aane do

maiñ ro paḌūñgā bahāna to haath aane do

junun ka koi fasana to hath aane do

main ro paDunga bahana to hath aane do

chamak rahe the andhere meñ soch ke jugnū

maiñ apnī yaad ke ḳheme meñ so nahīñ paayā

chamak rahe the andhere mein soch ke jugnu

main apni yaad ke KHeme mein so nahin paya

tum maslahat kaho yā munāfiq kaho mujhe

dil meñ magar ġhubār bahut der tak rahā

tum maslahat kaho ya munafiq kaho mujhe

dil mein magar ghubar bahut der tak raha