KHalid Malik Sahil's Photo'

KHalid Malik Sahil

1961 | Germany

311
Favorite

SORT BY

bas ek ḳhauf thā zinda tirī judā.ī

mirā vo āḳhirī dushman bhī aaj maarā gayā

bas ek KHauf tha zinda teri judai ka

mera wo aaKHiri dushman bhi aaj mara gaya

ḳhvāb dekhā thā mohabbat mohabbat qasam

phir isī ḳhvāb tābīr meñ masrūf thā maiñ

KHwab dekha tha mohabbat ka mohabbat ki qasam

phir isi KHwab ki tabir mein masruf tha main

chamak rahe the andhere meñ soch ke jugnū

maiñ apnī yaad ke ḳheme meñ so nahīñ paayā

chamak rahe the andhere mein soch ke jugnu

main apni yaad ke KHeme mein so nahin paya

junūñ koī fasāna to haath aane do

maiñ ro paḌūñgā bahāna to haath aane do

junun ka koi fasana to hath aane do

main ro paDunga bahana to hath aane do

tum maslahat kaho munāfiq kaho mujhe

dil meñ magar ġhubār bahut der tak rahā

tum maslahat kaho ya munafiq kaho mujhe

dil mein magar ghubar bahut der tak raha

ham log to aḳhlāq bhī rakh aa.e haiñ 'sāhil'

raddī ke isī Dher meñ ādāb paḌe the

hum log to aKHlaq bhi rakh aae hain 'sahil'

raddi ke isi Dher mein aadab paDe the

raushnī agar alāmat hai

raakh uḌtī hai kyuuñ sharāre par

raushni ki agar alamat hai

rakh uDti hai kyun sharare par

kisī ḳhayāl koī vajūd ho shāyad

badal rahā huuñ maiñ ḳhvāboñ ko tajraba kar ke

kisi KHayal ka koi wajud ho shayad

badal raha hun main KHwabon ko tajraba kar ke

lafz rañgoñ meñ nahā.e hue ghar meñ aa.e

terī āvāz tasvīr meñ masrūf thā maiñ

lafz rangon mein nahae hue ghar mein aae

teri aawaz ki taswir mein masruf tha main

maiñ tamāshā huuñ tamāshā.ī haiñ chāroñ jānib

sharm hai sharm ke maare nahīñ ro saktā maiñ

main tamasha hun tamashai hain chaaron jaanib

sharm hai sharm ke mare nahin ro sakta main

guzar rahī hai jo dil par vahī haqīqat hai

ġham-e-jahāñ fasāna ġham-e-hayāt se pūchh

guzar rahi hai jo dil par wahi haqiqat hai

gham-e-jahan ka fasana gham-e-hayat se puchh

ba.az auqāt tirā naam badal jaatā hai

ba.az auqāt tire naqsh bhī kho jaate haiñ

baz auqat tera nam badal jata hai

baz auqat tere naqsh bhi kho jate hain

zarre zarre meñ qayāmat samāñ hai 'sāhil'

ek dil ke sahāre nahīñ ro saktā maiñ

zarre zarre mein qayamat ka saman hai 'sahil'

ek hi dil ke sahaare nahin ro sakta main

javāb jis nahīñ koī vo savāl banā

maiñ ḳhvāb meñ use dekhūñ koī ḳhayāl banā

jawab jis ka nahin koi wo sawal bana

main KHwab mein use dekhun koi KHayal bana

is shahr ke logoñ pe bharosā nahīñ karnā

zanjīr koī dar pe lagāo ki chalā maiñ

is shahr ke logon pe bharosa nahin karna

zanjir koi dar pe lagao ki chala main

maiñ apnī aañkh bhī ḳhvāboñ se dho nahīñ paayā

maiñ kaise dūñgā zamāne ko jo nahīñ paayā

main apni aankh bhi KHwabon se dho nahin paya

main kaise dunga zamane ko jo nahin paya

duniyā se duur apne barābar khaḌe rahe

ḳhvāboñ meñ jāgte the magar raat ho ga.ī

duniya se dur apne barabar khaDe rahe

KHwabon mein jagte the magar raat ho gai

is tishna-labī par mujhe ezaaz to baḳhsho

ai bāda-kasho jaam uThāo ki chalā maiñ

is tishna-labi par mujhe ezaz to baKHsho

ai baada-kasho jam uThao ki chala main

maiñ kis yaqīn se likkhā gayā huuñ miTTī par

vo kaun hai jo mire silsile Dhaal banā

main kis yaqin se likkha gaya hun miTTi par

wo kaun hai jo mere silsile ki Dhaal bana