ٹاپ 5 اردو شاعری| ریختہ

سب لوگ جدھر وہ ہیں ادھر دیکھ رہے ہیں

ہم دیکھنے والوں کی نظر دیکھ رہے ہیں

داغؔ دہلوی

اپنی مرضی سے کہاں اپنے سفر کے ہم ہیں

رخ ہواؤں کا جدھر کا ہے ادھر کے ہم ہیں

ندا فاضلی

وہ کسی کو یاد کر کے مسکرایا تھا ادھر

اور میں نادان یہ سمجھا کہ وہ میرا ہوا

اقبال اشہر

جدھر جاتے ہیں سب جانا ادھر اچھا نہیں لگتا

مجھے پامال رستوں کا سفر اچھا نہیں لگتا

جاوید اختر

میں روز ادھر سے گزرتا ہوں کون دیکھتا ہے

میں جب ادھر سے نہ گزروں گا کون دیکھے گا

مجید امجد

آج کے منتخب ۵ شعر