Today's top 5 Urdu Shayari

yahī milne kā samay bhī hai bichhaḌne kā bhī

mujh ko lagtā hai bahut apne se Dar shaam ke baad

yahi milne ka samay bhi hai bichhaDne ka bhi

mujh ko lagta hai bahut apne se Dar sham ke baad

dekhā na hogā tū ne magar intizār meñ

chalte hue samay ko Thaharte hue bhī dekh

dekha na hoga tu ne magar intizar mein

chalte hue samay ko Thaharte hue bhi dekh

jaate jaate aap itnā kaam to kiije mirā

yaad kā saarā sar-o-sāmāñ jalāte jā.iye

jate jate aap itna kaam to kije mera

yaad ka sara sar-o-saman jalate jaiye

apne sāmān ko bāñdhe hue is soch meñ huuñ

jo kahīñ ke nahīñ rahte vo kahāñ jaate haiñ

apne saman ko bandhe hue is soch mein hun

jo kahin ke nahin rahte wo kahan jate hain

ye jo raushnī hai kalām meñ ki baras rahī hai tamām meñ

mujhe sabr ne ye samar diyā mujhe zabt ne ye hunar diyā

ye jo raushni hai kalam mein ki baras rahi hai tamam mein

mujhe sabr ne ye samar diya mujhe zabt ne ye hunar diya