Today's top 5 Urdu Shayari

dekh kar us ko lagā jaise kahīñ ho dekhā

yaad bilkul nahīñ aayā mujhe ghanToñ sochā

dekh kar us ko laga jaise kahin ho dekha

yaad bilkul nahin aaya mujhe ghanTon socha

maiñ sochtā huuñ magar yaad kuchh nahīñ aatā

ki iḳhtitām kahāñ ḳhvāb ke safar kā huā

main sochta hun magar yaad kuchh nahin aata

ki iKHtitam kahan KHwab ke safar ka hua

tum bhuul kar bhī yaad nahīñ karte ho kabhī

ham to tumhārī yaad meñ sab kuchh bhulā chuke

tum bhul kar bhi yaad nahin karte ho kabhi

hum to tumhaari yaad mein sab kuchh bhula chuke

duniyā-e-tasavvur ham ābād nahīñ karte

yaad aate ho tum ḳhud hī ham yaad nahīñ karte

duniya-e-tasawwur hum aabaad nahin karte

yaad aate ho tum KHud hi hum yaad nahin karte

vo yuuñ milā thā ki jaise kabhī na bichhḌegā

vo yuuñ gayā ki kabhī lauT kar nahīñ aayā

wo yun mila tha ki jaise kabhi na bichhDega

wo yun gaya ki kabhi lauT kar nahin aaya