Today's top 5 Urdu Shayari

barsāt ke aate hī tauba na rahī baaqī

bādal jo nazar aa.e badlī merī nīyat bhī

barsat ke aate hi tauba na rahi baqi

baadal jo nazar aae badli meri niyat bhi

tayyār the namāz pe ham sun ke zikr-e-hūr

jalva butoñ kā dekh ke nīyat badal ga.ī

tayyar the namaz pe hum sun ke zikr-e-hur

jalwa buton ka dekh ke niyat badal gai

sab kī tarah tū ne bhī mire aib nikāle

tū ne bhī ḳhudāyā mirī niyyat nahīñ dekhī

sab ki tarah tu ne bhi mere aib nikale

tu ne bhi KHudaya meri niyyat nahin dekhi

insān kī niyyat kā bharosa nahīñ koī

milte ho to is baat ko imkān meñ rakhnā

insan ki niyyat ka bharosa nahin koi

milte ho to is baat ko imkan mein rakhna

rind-e-ḳharāb-nosh kī be-adabī to dekhiye

niyyat-e-mai-kashī na kī haath meñ jaam le liyā

rind-e-KHarab-nosh ki be-adabi to dekhiye

niyyat-e-mai-kashi na ki hath mein jam le liya