Today's top 5 Urdu Shayari

jhuuT bhī sach kī tarah bolnā aatā hai use

koī luknat bhī kahīñ par nahīñ aane detā

jhuT bhi sach ki tarah bolna aata hai use

koi luknat bhi kahin par nahin aane deta

avval to thoḌī thoḌī chāhat thī darmiyāñ meñ

phir baat kahte luknat aane lagī zabāñ meñ

awwal to thoDi thoDi chahat thi darmiyan mein

phir baat kahte luknat aane lagi zaban mein

jab tak māthā chuum ke ruḳhsat karne vaalī zinda thī

darvāze ke bāhar tak bhī muñh meñ luqma hotā thā

jab tak matha chum ke ruKHsat karne wali zinda thi

darwaze ke bahar tak bhi munh mein luqma hota tha

us hijr pe tohmat ki jise vasl kī zid ho

us dard pe la.anat kī jo ash.ār meñ aa jaa.e

us hijr pe tohmat ki jise wasl ki zid ho

us dard pe lanat ki jo ashaar mein aa jae

kyā hañsī aatī hai mujh ko hazrat-e-insān par

fel-e-bad ḳhud hī kareñ lānat kareñ shaitān par

kya hansi aati hai mujh ko hazrat-e-insan par

fel-e-bad KHud hi karen lanat karen shaitan par