ٹاپ 5 اردو شاعری| ریختہ

اس کے چہرے کی چمک کے سامنے سادہ لگا

آسماں پہ چاند پورا تھا مگر آدھا لگا

افتخار نسیم

نکہت وہی سرور وہی دل کشی وہی

آمد یہ آپ کی ہے کہ جھونکا بہار کا

جے کرشن چودھری حبیب

جو نہ کرنا ہو وہی کام تمہارے لیے ہے

میرے حصے کا بھی آرام تمہارے لیے ہے

احمد محفوظ

چاند بھی حیران دریا بھی پریشانی میں ہے

عکس کس کا ہے کہ اتنی روشنی پانی میں ہے

فرحت احساس

آخر دعا کریں بھی تو کس مدعا کے ساتھ

کیسے زمیں کی بات کہیں آسماں سے ہم

احمد ندیم قاسمی

آج کے منتخب ۵ شعر