Today's top 5 Urdu Shayari

kuchh ġhazleñ un zulfoñ par haiñ kuchh ġhazleñ un āñkhoñ par

jaane vaale dost kī ab ik yahī nishānī baaqī hai

kuchh ghazlen un zulfon par hain kuchh ghazlen un aankhon par

jaane wale dost ki ab ek yahi nishani baqi hai

ghar se nikal kar jaatā huuñ maiñ roz kahāñ

ik din apnā pīchhā kar ke dekhā jaa.e

ghar se nikal kar jata hun main roz kahan

ek din apna pichha kar ke dekha jae

kis qadar mahdūd kar detā hai ġham insān ko

ḳhatm kar detā hai har ummīd har imkān ko

kis qadar mahdud kar deta hai gham insan ko

KHatm kar deta hai har ummid har imkan ko

maiñ so rahā huuñ tire ḳhvāb dekhne ke liye

ye aarzū hai ki āñkhoñ meñ raat rah jaa.e

main so raha hun tere KHwab dekhne ke liye

ye aarzu hai ki aankhon mein raat rah jae

kisī din zindagānī meñ karishma kyuuñ nahīñ hotā

maiñ har din jaag to jaatā huuñ zinda kyuuñ nahīñ hotā

kisi din zindagani mein karishma kyun nahin hota

main har din jag to jata hun zinda kyun nahin hota