Today's top 5 Urdu Shayari

vafā kareñge nibāheñge baat māneñge

tumheñ bhī yaad hai kuchh ye kalām kis kā thā

wafa karenge nibahenge baat manenge

tumhein bhi yaad hai kuchh ye kalam kis ka tha

ik naam kyā likhā tirā sāhil kī ret par

phir umr bhar havā se mirī dushmanī rahī

ek nam kya likha tera sahil ki ret par

phir umr bhar hawa se meri dushmani rahi

vo zahr detā to sab kī nigah meñ aa jaatā

so ye kiyā ki mujhe vaqt pe davā.eñ na diiñ

wo zahr deta to sab ki nigah mein aa jata

so ye kiya ki mujhe waqt pe dawaen na din

dard aisā hai ki jī chāhe hai zinda rahiye

zindagī aisī ki mar jaane ko jī chāhe hai

dard aisa hai ki ji chahe hai zinda rahiye

zindagi aisi ki mar jaane ko ji chahe hai

jidhar jaate haiñ sab jaanā udhar achchhā nahīñ lagtā

mujhe pāmāl rastoñ kā safar achchhā nahīñ lagtā

jidhar jate hain sab jaana udhar achchha nahin lagta

mujhe pamal raston ka safar achchha nahin lagta