ek laḌkī chūḌiyāñ khankā rahī thī aur tabhī

us khanak se uTh rahā thā jaise zindānī kā shor

ek laDki chuDiyan khanka rahi thi aur tabhi

us khanak se uTh raha tha jaise zindani ka shor

itnā masrūf kar liyā ḳhud ko

ġham bhī aa kar ḳhushī se lauT ga.e

itna masruf kar liya KHud ko

gham bhi aa kar KHushi se lauT gae

kisī se bhī muḳhātib hoñ koī bhī baat hotī ho

tumhārā naam lene kā bahāna DhūñD lete haiñ

kisi se bhi muKHatib hon koi bhi baat hoti ho

tumhaara nam lene ka bahana DhunD lete hain

tumhārī ḳhush-nasībī hai ki tum samjhe nahīñ ab tak

akele-pan meñ aur tanhā.ī meñ jo farq hotā hai

tumhaari KHush-nasibi hai ki tum samjhe nahin ab tak

akele-pan mein aur tanhai mein jo farq hota hai

ujlat meñ vo dekho kyā kyā chhoḌ gayā

apnī bāteñ apnā chehra chhoḌ gayā

ujlat mein wo dekho kya kya chhoD gaya

apni baaten apna chehra chhoD gaya