agar wo KHud hi bichhaD jaane ki dua karega

agar vo ḳhud hī bichhaḌ jaane kī duā karegā

to us se baḌh ke mire saath koī kyā karegā

sunā hai aaj vo marham pe choT rakkhegā

mujhī se mujh ko bhulāne kā mashvara karegā

taras rahī haiñ ye āñkheñ us ek manzar ko

jahāñ se lauT ke aane kā dukh huā karegā

agar ye phuul hai merī balā se murjhā.e

agar ye zaḳhm hai mālik use harā karegā

maiñ jāntī huuñ ki jitnā ḳhafā bhī ho jaa.e

vo mere shahr meñ aayā to rābta karegā

maiñ us se aur mohabbat se pesh ā.ūñgī

jo mere haq meñ koī 'ā.isha' burā karegā

agar wo KHud hi bichhaD jaane ki dua karega

to us se baDh ke mere sath koi kya karega

suna hai aaj wo marham pe choT rakkhega

mujhi se mujh ko bhulane ka mashwara karega

taras rahi hain ye aankhen us ek manzar ko

jahan se lauT ke aane ka dukh hua karega

agar ye phul hai meri bala se murjhae

agar ye zaKHm hai malik use hara karega

main jaanti hun ki jitna KHafa bhi ho jae

wo mere shahr mein aaya to rabta karega

main us se aur mohabbat se pesh aaungi

jo mere haq mein koi 'aisha' bura karega