hañsī un ke laboñ tak aa ga.ī hai

mukammal ho gayā ronā hamārā

hansi un ke labon tak aa gai hai

mukammal ho gaya rona hamara

'mīr' 'ġhālib' yahīñ to rahte the

ham bhī dillī se dil lagā leñ kyā

'mir' 'ghaalib' yahin to rahte the

hum bhi dilli se dil laga len kya

hijr meñ jalte hue us ko kahāñ dekh sakā

itnī tāḳhīr huī sirf dhuāñ dekh sakā

hijr mein jalte hue us ko kahan dekh saka

itni taKHir hui sirf dhuan dekh saka

hotā nahīñ udaas kisī dukh se maiñ kabhī

itne hasīn log mire ās-pās haiñ

hota nahin udas kisi dukh se main kabhi

itne hasin log mere aas-pas hain

sab ko kāñToñ pe shak huā thā magar

zaḳhm ke ās-pās phuul mile

sab ko kanTon pe shak hua tha magar

zaKHm ke aas-pas phul mile