ایاز رسول نازکیؔ شاعر اور نثر نگار ہیں۔ مشہور کشمیری شاعر اور مصنف میر غلام رسول نازکی کے فرزند ہیں۔ زراعتی سائنس کے ماہر ہیں۔

پنجاب زرعی یونیورسٹی لدھیانہ، پنجاب سے پی ایچ ڈی کی ڈگری حاصل کی ہے۔ کشمیر اگریکلچرل  یونیورسٹی میں پروفیسر رہے اور دیگر انتظامی امور کے عہدوں پر بھی مامور رہے۔

ادبی تصنیفات: اردو خودرو (شاعری) 2001 شام سے پہلے (شاعری) 2008، کشمیری مقام راست (شاعری)، سفر نامہ مظفرآباد (انگریزی) 1999 ECHO (اپنے والد غلام رسول نازکی کی مرحوم کی رباعیوں کا منظوم ترجمہ)، نثر، سفر نامۂ مظفرآباد۔ کشمیری رسائل و جرائد میں سلسلے وار مضامین ’’حاصل ضرب‘’ کے عنوان سے شائع ہوتے رہے ہیں۔ ریڈیو اور ٹی وی کے لیے فیچرز لکھتے رہے ہیں۔