Kitaabon ki duniya murdon aur zindon donon ke beech ki duniya hai.

Kitaabon ki duniya murdon aur zindon donon ke beech ki duniya hai.

Wahi shaa'iri amar hoti hai ya bahut dinon tak zinda rahti hai jis mein ziyaada se ziyaada lafz aise aaen jinhein anpadh log bhi jaante aur bolte hain.

Wahi shaa'iri amar hoti hai ya bahut dinon tak zinda rahti hai jis mein ziyaada se ziyaada lafz aise aaen jinhein anpadh log bhi jaante aur bolte hain.

Soz-o-gudaaz mein jab pukhtagi aa jaati hai to ghum, ghum nahi rahta balki eik roohaani sanjeedagi mein badal jaata hai.

Soz-o-gudaaz mein jab pukhtagi aa jaati hai to ghum, ghum nahi rahta balki eik roohaani sanjeedagi mein badal jaata hai.

Khushnaseeb se khushnaseeb aashiq ko ishqiya naghme sahaara dete hain. Poori insaani tahzib-o-tamaddun, tamaam khaariji tamtaraaq ke baawajood funoon-e-lateefa ki mohtaaj hai.

Khushnaseeb se khushnaseeb aashiq ko ishqiya naghme sahaara dete hain. Poori insaani tahzib-o-tamaddun, tamaam khaariji tamtaraaq ke baawajood funoon-e-lateefa ki mohtaaj hai.

Zabaan shuʿoor ka haath-pair hai.

Zabaan shuʿoor ka haath-pair hai.

Zindagi ke khaariji masaa'il ka hal shaa'iri nahi, lekin woh daakhili masaa'il ka hal zaroor hai.

Zindagi ke khaariji masaa'il ka hal shaa'iri nahi, lekin woh daakhili masaa'il ka hal zaroor hai.

Awaam mein aur bade adeeb mein ye farq nahi hota ki awaam kam lafz jaanti hai aur adeeb ziyaada lafz jaanta hai. In donon mein farq ye hota hai ki awaam ko apne lafz har mauqe par yaad nahi aate. Awaam apne lafzon ko hairat-angez taur par mila kar fiqre nahi bana sakte, unhein zordaar tareeqe par istemaal nahi kar sakte, lekin adeeb awaam hi ke alfaaz se ye sab kuch kar ke dikha deta hai.

Awaam mein aur bade adeeb mein ye farq nahi hota ki awaam kam lafz jaanti hai aur adeeb ziyaada lafz jaanta hai. In donon mein farq ye hota hai ki awaam ko apne lafz har mauqe par yaad nahi aate. Awaam apne lafzon ko hairat-angez taur par mila kar fiqre nahi bana sakte, unhein zordaar tareeqe par istemaal nahi kar sakte, lekin adeeb awaam hi ke alfaaz se ye sab kuch kar ke dikha deta hai.

Urdu ko mita dena Hindi ke liye achchha nahi hai. Hindi ko mita dena Urdu ke liye achchha nahi hai. Hindi aur Urdu donon eik hi tasveer ke do rukh hain.

Urdu ko mita dena Hindi ke liye achchha nahi hai. Hindi ko mita dena Urdu ke liye achchha nahi hai. Hindi aur Urdu donon eik hi tasveer ke do rukh hain.

Ghum ka bhi eik tarbiya pahloo hota hai aur nishaat ka bhi eik alamiya pahloo hota hai.

Ghum ka bhi eik tarbiya pahloo hota hai aur nishaat ka bhi eik alamiya pahloo hota hai.

Kisi qaum ko ahmaq banaana ho to us qaum ke bachchon ko aasaan aur sahaj lafzon ke badle jabda-tod lafz ghuntwa dijiye. Sab bachche ahmaq ho jaayenge.

Kisi qaum ko ahmaq banaana ho to us qaum ke bachchon ko aasaan aur sahaj lafzon ke badle jabda-tod lafz ghuntwa dijiye. Sab bachche ahmaq ho jaayenge.

Rate hue lafzon se bada adab nahin bana karta.

Rate hue lafzon se bada adab nahin bana karta.

Ghazal wo baansuri hai jise zindagi ki halchal mein humne kaheen kho diya tha aur jise ghazal ka shaa'ir kaheen se phir se dhoondh laata hai aur jiski lay sun kar Bhagwaan ki aankhon mein bhi insaan ke liye muhabbat ke aansoo aa jaate hain.

Ghazal wo baansuri hai jise zindagi ki halchal mein humne kaheen kho diya tha aur jise ghazal ka shaa'ir kaheen se phir se dhoondh laata hai aur jiski lay sun kar Bhagwaan ki aankhon mein bhi insaan ke liye muhabbat ke aansoo aa jaate hain.

Qaum aur qaumi zindagi mit rahi hai aur hum hain ki Hindi, Hindi aur Urdu, Urdu kiye ja rahe hain.

Qaum aur qaumi zindagi mit rahi hai aur hum hain ki Hindi, Hindi aur Urdu, Urdu kiye ja rahe hain.

Woh din aa jaayega ki Hindu taalib-e-ilm Anees ko sabse bada shaa'ir bataayega aur Musalmaan taalib-e-ilm Tulsi Daas ko Anees se das-guna bada thahraayega. Hindu taalib-e-ilm Urdu ghazlon par jaan dega aur Musalmaan taalib-e-ilm Mahaadevi ke narm, raseele aur dil mein utar jaane waale naghmon ki qasam khaayega.

Woh din aa jaayega ki Hindu taalib-e-ilm Anees ko sabse bada shaa'ir bataayega aur Musalmaan taalib-e-ilm Tulsi Daas ko Anees se das-guna bada thahraayega. Hindu taalib-e-ilm Urdu ghazlon par jaan dega aur Musalmaan taalib-e-ilm Mahaadevi ke narm, raseele aur dil mein utar jaane waale naghmon ki qasam khaayega.

Sabse badi zaroorat is baat ki hai ki mulk ke jin schoolon, collegon aur universitiyon mein Urdu aur Hindi ke alag-alag darje, sho'be ya class hain, unhein tod kar eik kar diya jaaye.

Sabse badi zaroorat is baat ki hai ki mulk ke jin schoolon, collegon aur universitiyon mein Urdu aur Hindi ke alag-alag darje, sho'be ya class hain, unhein tod kar eik kar diya jaaye.

Shaa'iri ka maqsad hum jo kuch bhi samjhen uska haqeeqi maqsad buland-tareen wijdaani kaifiyat aur jamaaliyaati shu'oor paida karne ke alaawa kuch nahi.

Shaa'iri ka maqsad hum jo kuch bhi samjhen uska haqeeqi maqsad buland-tareen wijdaani kaifiyat aur jamaaliyaati shu'oor paida karne ke alaawa kuch nahi.

Sau derh sau baras ke andar Urdu aur Hindi mil kar eik zabaan ban jaayengi. Jiski rooh aur culture eik hoga. Urdu aur Hindi mein na kisi ki haar hogi na jeet, zindagi ki jeet hogi.

Sau derh sau baras ke andar Urdu aur Hindi mil kar eik zabaan ban jaayengi. Jiski rooh aur culture eik hoga. Urdu aur Hindi mein na kisi ki haar hogi na jeet, zindagi ki jeet hogi.

Hamaari boli eik jeeti-jaagti cheez hai. Agar is mein Sanskrit ke who lafz bhare jaayenge, jo koi bolta nahi to ye gaadi aage nahi badhegi. Ab Hindi aur Urdu waale khud faisla karein ki agar Hindi-Urdu ki ladaai mein jeet aasaan zabaan ki hogi to jeet Urdu ki hogi ya Hindi ki.

Hamaari boli eik jeeti-jaagti cheez hai. Agar is mein Sanskrit ke who lafz bhare jaayenge, jo koi bolta nahi to ye gaadi aage nahi badhegi. Ab Hindi aur Urdu waale khud faisla karein ki agar Hindi-Urdu ki ladaai mein jeet aasaan zabaan ki hogi to jeet Urdu ki hogi ya Hindi ki.

Ab se pachaas baras baad mera khayaal nahi balki mera yaqeen hai ki hamaari zabaan Roman rasm-ul-khat mustaqil taur par ikhtiyaar kar legi aur Hindi-Urdu ka qadeem-o-jadeed tamaam adab Roman rasm-ul-khat mein deeda-zeb shakl mein nihaayat saste daamon milne lagega.

Ab se pachaas baras baad mera khayaal nahi balki mera yaqeen hai ki hamaari zabaan Roman rasm-ul-khat mustaqil taur par ikhtiyaar kar legi aur Hindi-Urdu ka qadeem-o-jadeed tamaam adab Roman rasm-ul-khat mein deeda-zeb shakl mein nihaayat saste daamon milne lagega.

Jo shakhs ya jo jamaa'at yeh kahe ki sirf Hindi adab ne hamaare culture ki sewa ki aur Urdu ne hamaare culture ko nuqsaan pahunchaaya ya sirf Urdu ne hamaare culture ki sewa ki aur Hindi ne hamaare culture ko nuqsaan pahunchaaya, us shakhs aur jamaa'at ko culture ke muta'aliq raaye dene ka koi haq nahi hai.

Jo shakhs ya jo jamaa'at yeh kahe ki sirf Hindi adab ne hamaare culture ki sewa ki aur Urdu ne hamaare culture ko nuqsaan pahunchaaya ya sirf Urdu ne hamaare culture ki sewa ki aur Hindi ne hamaare culture ko nuqsaan pahunchaaya, us shakhs aur jamaa'at ko culture ke muta'aliq raaye dene ka koi haq nahi hai.

Umooman buland ishqiya shaa'iri karne vaala shaa'ir ghair‑maamooli shiddat‑e‑jazbaat-o‑ehsaasaat ke saath aashiq bhi hota hai.

Umooman buland ishqiya shaa'iri karne vaala shaa'ir ghair‑maamooli shiddat‑e‑jazbaat-o‑ehsaasaat ke saath aashiq bhi hota hai.

Maujooda tamaddun ke mutaalbe aise hain ki humein Roman rasm-ul-khat ko apnaana padega.

Maujooda tamaddun ke mutaalbe aise hain ki humein Roman rasm-ul-khat ko apnaana padega.

Agar hum she'r se sahi taur par muta'assir hon to shaair ke kalaam mein uske dil ki sawaaneh‑e‑umri, uski vijdaani shakṣiyat ka irtiqaa dekh sakte hain.

Agar hum she'r se sahi taur par muta'assir hon to shaair ke kalaam mein uske dil ki sawaaneh‑e‑umri, uski vijdaani shakṣiyat ka irtiqaa dekh sakte hain.

Jamhoori adab ke liye kharidaaron ka sawaal zindagi aur maut ka sawaal hai.

Jamhoori adab ke liye kharidaaron ka sawaal zindagi aur maut ka sawaal hai.

Funoon-e-lateefa ke baghair tamaddun bimaar pad jaata hai aur eik bimaari nahi, saikdon bimaariyon ka shikaar ho jaata hai.

Funoon-e-lateefa ke baghair tamaddun bimaar pad jaata hai aur eik bimaari nahi, saikdon bimaariyon ka shikaar ho jaata hai.

Zindagi ko daakhili sehat bakhshna funoon-e-lateefa ki asl gharaz-o-ghaayat hai.

Zindagi ko daakhili sehat bakhshna funoon-e-lateefa ki asl gharaz-o-ghaayat hai.