chamakte chāñd se chehroñ ke manzar se nikal aa.e

ḳhudā hāfiz kahā bosa liyā ghar se nikal aa.e

chamakte chand se chehron ke manzar se nikal aae

KHuda hafiz kaha bosa liya ghar se nikal aae

ehsās-e-jurm jaan kā dushman hai 'ja.afarī'

hai jism taar taar sazā ke baġhair bhī

ehsas-e-jurm jaan ka dushman hai 'jafari'

hai jism tar tar saza ke baghair bhi

jo bhar bhī jaa.eñ dil ke zaḳhm dil vaisā nahīñ rahtā

kuchh aise chaak hote haiñ jo juḌ kar bhī nahīñ silte

jo bhar bhi jaen dil ke zaKHm dil waisa nahin rahta

kuchh aise chaak hote hain jo juD kar bhi nahin silte

ta.alluqāt kā tanqīd se hai yārāna

kisī kā zikr kare kaun ehtisāb ke saath

talluqat ka tanqid se hai yarana

kisi ka zikr kare kaun ehtisab ke sath

ye sach hai ham ko bhī khone paḌe kuchh ḳhvāb kuchh rishte

ḳhushī is kī hai lekin halqa-e-shar se nikal aa.e

ye sach hai hum ko bhi khone paDe kuchh KHwab kuchh rishte

KHushi is ki hai lekin halqa-e-shar se nikal aae