امتیاز خان 20 مئی 1989 کو میوات، ہریانہ میں پیدا ہوئے، ابتدائی تعلیم اپنے آبائی وطن میں ہی حاصل کی،  اس کے بعد آپ نے کمپیوٹر سائنس انجینئرنگ میں گریجویشن کی ڈگری حاصل کی. آجکل آپ دہلی میٹرو کارپوریشن میں بطور انجینئر اپنی خدمات انجام دے رہے ہیں اور دہلی میں ہی مقیم ہیں۔

دوران تعلیم دہلی کی ادبی فضا نے آپ کے ادبی ذوق کو بالیدگی عطا کی اور مشق سخن کی جانب متوجہ کیا۔ جہاں تک شاعری کا تعلق ہے آپ کی شاعری میں وسعت تخیل بھی ہے اور لفظوں کی تراکیب کا فنکارانہ استعمال بھی. آپ کے اشعار میں بعض خیالات میں اتنی گہرائی و گیرائی ہوتی ہے کہ ان اشعار کی معنویت کے دریچے  ہر بار پڑھنے پر مختلف انداز میں وا ہوتے ہیں. آپ نے صنف غزل اور نظم دونوں کو ترسیل فکر کا ذریعہ بنایا ہے. آپ خوش اخلاق اور خوش طبیعت شخص ہونے کے ساتھ ساتھ نہایت حساس بھی ہیں اور اس حساسیت کا اظہار آپ کی شاعری میں جگہ جگہ نمایاں طور پر نظر آتا ہے۔