kisī kī yaad manāne meñ iid guzregī

so shahr-e-dil meñ bahut duur tak udāsī hai

kisi ki yaad manane mein id guzregi

so shahr-e-dil mein bahut dur tak udasi hai

bāzār haiñ ḳhāmosh to galiyoñ pe hai sakta

ab shahr meñ tanhā.ī kā Dar bol rahā hai

bazar hain KHamosh to galiyon pe hai sakta

ab shahr mein tanhai ka Dar bol raha hai

ḳhairāt meñ de aayā huuñ jiitī huī baazī

duniyā ye samajhtī hai ki maiñ haar gayā huuñ

KHairaat mein de aaya hun jiti hui bazi

duniya ye samajhti hai ki main haar gaya hun

aisī taraqqī par to ronā bantā hai

jis meñ dahshat-gard corona bantā hai

aisi taraqqi par to rona banta hai

jis mein dahshat-gard corona banta hai

asātiza ne mirā haath thaam rakkhā hai

isī liye to maiñ pahuñchā huuñ apnī manzil par

asatiza ne mera hath tham rakkha hai

isi liye to main pahuncha hun apni manzil par