وقت مہلت نہ دے گا پھر تم کو

تیر جس دم کمان سے نکلا

بے رخی دیکھ اب زمانے کی

مدعا کیوں زبان سے نکلا

انتشار و خوف ہر اک سر میں ہے

عافیت سے کون اپنے گھر میں ہے

بسا کے دل میں ترے غم ترے ستم اے دوست

جہاں جہاں سے بھی گزرا میں نغمہ خواں گزرا

کتنے بے نور ہیں یہ ہنگامے

میں بھرے شہر میں بھی ہوں تنہا

لوگوں کو اپنی فکر ہے لیکن مجھے ندیم

بزم حیات و نظم گلستاں کی فکر ہے

کتنے ہی زخم ہرے ہیں مرے سینے میں نیازؔ

آپ اب مجھ سے عنایات کی باتیں نہ کرو

دل نے ہر دور میں دنیا سے بغاوت کی ہے

دل سے تم رسم و روایات کی باتیں نہ کرو

ہم نفس خواب جنوں کی کوئی تعبیر نہ دیکھ

رقص کرنا ہے تو پھر پاؤں کی زنجیر نہ دیکھ

الفاظ مدح خواں تھے قلم تھے بکے ہوئے

کیسے تراش لیتے کوئی شاہ کار ہم