Shayari of Akhtar Orenwi

Sher of Akhtar Orenwi

maiñ muntazir huuñ terī tamannā liye hue

aa jā faroġh-e-husn kī duniyā liye hue

main muntazir hun teri tamanna liye hue

aa ja farogh-e-husn ki duniya liye hue

kitne tābāñ the vo lamhāt tire pahlū meñ

do ghaḌī merī bhī firdaus minā guzrī hai

kitne taban the wo lamhat tere pahlu mein

do ghaDi meri bhi firdaus mina guzri hai

na mizāj-e-nāz-e-jalva kabhī pā sakīñ nigāheñ

ki ulajh ke rah ga.ī haiñ tirī zulf-e-ḳham-ba-ḳham meñ

na mizaj-e-naz-e-jalwa kabhi pa sakin nigahen

ki ulajh ke rah gai hain teri zulf-e-KHam-ba-KHam mein

junūñ bhī zahmat ḳhirad bhī la.anat hai zaḳhm-e-dil kī davā mohabbat

harīm-e-jāñ meñ tavāf-e-paiham yahī hai andāz-e-āshiqāna

junun bhi zahmat KHirad bhi lanat hai zaKHm-e-dil ki dawa mohabbat

harim-e-jaan mein tawaf-e-paiham yahi hai andaz-e-ashiqana

mirī aarzū kī taskīñ na karam meñ ne sitam meñ

mirā dil mudām tishna tirī rah ke pech-o-ḳham meñ

meri aarzu ki taskin na karam mein ne sitam mein

mera dil mudam tishna teri rah ke pech-o-KHam mein