مشہور بھی ہیں بدنام بھی ہیں خوشیوں کے نئے پیغام بھی ہیں

کچھ غم کے بڑے انعام بھی ہیں پڑھیے تو کہانی کام کی ہے

یہ بادشاہ نہیں ہے فقیر ہے سورج

ہمیشہ رات کی جھولی سے دن نکالتا ہے

جس بات کا مطلب خوشبو ہے ہر گاؤں کے کچے رستے پر

اس بات کا مطلب بدلے گا جب پکی سڑک آ جائے گی

جو دوستوں کی محبت سے جی نہیں بھرتا

تو آستین میں دو چار سانپ پال کے رکھ

غیر تو آنسو پوچھیں گے

دھوکا دیں گے اپنے لوگ

اے آسمان حرف کو پھر اعتبار دے

ورنہ حقیقتوں کو کہانی لکھیں گے لوگ

مجھے سونے کی قیمت مت بتاؤ

میں مٹی ہوں مری عظمت بہت ہے

گھر بار چھوڑ کر وہ فقیروں سے جا ملے

چاہت نے بادشاہوں کو محکوم کر دیا

تجھے تو کتنی بہاریں سلام بھیجیں گی

ابھی یہ پھول سا چہرہ ذرا سنبھال کے رکھ

ذرا محفوظ رستوں سے گزرنا

تمہاری شہر میں شہرت بہت ہے

میں نے سورج کی طرح خود کو بنایا جس دن

دیکھنے آئیں گے یہ مغرب و مشرق مجھ کو

جو سارے دن کی تھکن اوڑھ کر میں سوتا ہوں

تو ساری رات مرا گھر سفر میں رہتا ہے

شہرت کی روشنی ہو کہ نفرت کی تیرگی

کیا کیا اسے دیا ہے خدا نے پتا کرو

کتاب عشق کے جو معتبر رسالے ہیں

انہیں میں حسن کے کچھ مستند حوالے ہیں

معراج عقیدت ہے کہ تعویذ کی صورت

بازو پہ کوئی خاک وطن باندھے ہوئے ہے

میں ایسے در کا گدا ہوں جہاں پہ موتی کیا

ہزار بار مجھے سنگ آب دار ملے

تجھ کو خبر نہیں ہے مگر اک ترے بغیر

یہ دل پسند شہر بھی خالی لگا مجھے