mire ashkoñ pe hai shabnam kā gumāñ tum ko magar

aag lag jaa.e na dāman ko bachā.e rakhnā

mere ashkon pe hai shabnam ka guman tum ko magar

aag lag jae na daman ko bachae rakhna

varaq varaq hai pareshāñ fazā meñ phūloñ kā

sazā milī hai zarā der muskurāne kī

waraq waraq hai pareshan faza mein phulon ka

saza mili hai zara der muskurane ki

tirā ġham tirī mohabbat hai jabīn-e-dil kā markaz

mirā zauq-e-sajda-rezī abhī dar badar nahīñ hai

tera gham teri mohabbat hai jabin-e-dil ka markaz

mera zauq-e-sajda-rezi abhi dar badar nahin hai