ghuTan sī hone lagī us ke paas jaate hue

maiñ ḳhud se ruuTh gayā huuñ use manāte hue

ghuTan si hone lagi us ke pas jate hue

main KHud se ruTh gaya hun use manate hue

hai ab bhī bistar-e-jāñ par tire badan kī shikan

maiñ ḳhud hī miTne lagā huuñ use miTāte hue

hai ab bhi bistar-e-jaan par tere badan ki shikan

main KHud hi miTne laga hun use miTate hue

phir is ke ba.ad manāyā na jashn ḳhushbū kā

lahū meñ Duubī thī fasl-e-bahār kyā karte

phir is ke baad manaya na jashn KHushbu ka

lahu mein Dubi thi fasl-e-bahaar kya karte

ye kaifiyat hai merī jaan ab tujhe kho kar

ki ham ne ḳhud ko bhī paayā nahīñ bahut din se

ye kaifiyat hai meri jaan ab tujhe kho kar

ki hum ne KHud ko bhi paya nahin bahut din se

ye pahlā ishq hai tumhārā soch lo

mire liye ye rāstā nayā nahīñ

ye pahla ishq hai tumhaara soch lo

mere liye ye rasta naya nahin