gulab chandni-raaton pe war aae hum
gulāb chāñdnī-rātoñ pe vaar aa.e ham
tumhāre hoñToñ kā sadqa utaar aa.e ham
vo ek jhiil thī shaffāf niil paanī kī
aur us meñ Duub ko ḳhud ko nikhār aa.e ham
tire hī lams se un kā ḳhirāj mumkin hai
tire baġhair jo umreñ guzār aa.e ham
phir us galī se guzarnā paḌā tirī ḳhātir
phir us galī se bahut be-qarār aa.e ham
ye kyā sitam hai ki is nashsha-e-mohabbat meñ
tire sivā bhī kisī ko pukār aa.e ham
gulab chandni-raaton pe war aae hum
tumhaare honTon ka sadqa utar aae hum
wo ek jhil thi shaffaf nil pani ki
aur us mein Dub ko KHud ko nikhaar aae hum
tere hi lams se un ka KHiraj mumkin hai
tere baghair jo umren guzar aae hum
phir us gali se guzarna paDa teri KHatir
phir us gali se bahut be-qarar aae hum
ye kya sitam hai ki is nashsha-e-mohabbat mein
tere siwa bhi kisi ko pukar aae hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.