kabhī āñkhoñ pe kabhī sar pe biThā.e rakhnā

zindagī talḳh sahī dil se lagā.e rakhnā

kabhi aankhon pe kabhi sar pe biThae rakhna

zindagi talKH sahi dil se lagae rakhna

hamāre ḳhvāb chorī ho ga.e haiñ

hameñ rātoñ ko niiñd aatī nahīñ hai

hamare KHwab chori ho gae hain

hamein raaton ko nind aati nahin hai

koī shai dil ko bahlātī nahīñ hai

pareshānī kī rut jaatī nahīñ hai

koi shai dil ko bahlati nahin hai

pareshani ki rut jati nahin hai

dard-e-hijrat ke satā.e hue logoñ ko kahīñ

sāya-e-dar bhī nazar aa.e to ghar lagtā hai

dard-e-hijrat ke satae hue logon ko kahin

saya-e-dar bhi nazar aae to ghar lagta hai

vahī patthar lagā hai mere sar par

azal se jis ko sajde kar rahā huuñ

wahi patthar laga hai mere sar par

azal se jis ko sajde kar raha hun

ghar bhī vīrāna lage taaza havāoñ ke baġhair

bād-e-ḳhush-rañg chale dasht bhī ghar lagtā hai

ghar bhi virana lage taza hawaon ke baghair

baad-e-KHush-rang chale dasht bhi ghar lagta hai

ahl-e-zar ne dekh kar kam-zarfi-e-ahl-e-qalam

hirs-e-zar ke har tarāzū meñ suḳhan-var rakh diye

ahl-e-zar ne dekh kar kam-zarfi-e-ahl-e-qalam

hirs-e-zar ke har taraazu mein suKHan-war rakh diye

husūl-e-manzil-e-jāñ kā hunar nahīñ aayā

vo raushnī thī ki kuchh bhī nazar nahīñ aayā

husul-e-manzil-e-jaan ka hunar nahin aaya

wo raushni thi ki kuchh bhi nazar nahin aaya