Raat Shayari

Night, to many of us, is much more interesting than the day. Night hides and day reveals. The hidden ones call our imagination to play. Poets have gone into the depths of the night and brought forth shining veses, some of which are here for you.

ik raat vo gayā thā jahāñ baat rok ke

ab tak rukā huā huuñ vahīñ raat rok ke

ek raat wo gaya tha jahan baat rok ke

ab tak ruka hua hun wahin raat rok ke

Farhat Ehsas

raat to vaqt pāband hai Dhal jā.egī

dekhnā ye hai charāġhoñ safar kitnā hai

raat to waqt ki paband hai Dhal jaegi

dekhna ye hai charaghon ka safar kitna hai

Waseem Barelvi

kuchh bhī bachā na kahne ko har baat ho ga.ī

aao kahīñ sharāb piyeñ raat ho ga.ī

kuchh bhi bacha na kahne ko har baat ho gai

aao kahin sharab piyen raat ho gai

Nida Fazli

is safar meñ niiñd aisī kho ga.ī

ham na so.e raat thak kar so ga.ī

is safar mein nind aisi kho gai

hum na soe raat thak kar so gai

Rahi Masoom Raza

bahut dinoñ meñ mohabbat ko ye huā ma.alūm

jo tere hijr meñ guzrī vo raat raat huī

bahut dinon mein mohabbat ko ye hua malum

jo tere hijr mein guzri wo raat raat hui

Firaq Gorakhpuri

raat aa kar guzar bhī jaatī hai

ik hamārī sahar nahīñ hotī

raat aa kar guzar bhi jati hai

ek hamari sahar nahin hoti

Ibn e Insha

shab-e-visāl hai gul kar do in charāġhoñ ko

ḳhushī bazm meñ kyā kaam jalne vāloñ

shab-e-visal hai gul kar do in charaghon ko

KHushi ki bazm mein kya kaam jalne walon ka

Dagh Dehlvi

ik umr kaT ga.ī hai tire intizār meñ

aise bhī haiñ ki kaT na sakī jin se ek raat

ek umr kaT gai hai tere intizar mein

aise bhi hain ki kaT na saki jin se ek raat

Firaq Gorakhpuri

raat ko jiit to paatā nahīñ lekin ye charāġh

kam se kam raat nuqsān bahut kartā hai

raat ko jit to pata nahin lekin ye charagh

kam se kam raat ka nuqsan bahut karta hai

Irfan Siddiqi

aaj raat bhī tanhā kaTī

aaj ke din bhī añdherā hogā

aaj ki raat bhi tanha hi kaTi

aaj ke din bhi andhera hoga

Ahmad Nadeem Qasmi

ye sard raat ye āvārgī ye niiñd bojh

ham apne shahr meñ hote to ghar chale jaate

ye sard raat ye aawargi ye nind ka bojh

hum apne shahr mein hote to ghar chale jate

Ummeed Fazli

raat kyā so.e ki baaqī umr niiñd uḌ ga.ī

ḳhvāb kyā dekhā ki dhaḌkā lag gayā tābīr

raat kya soe ki baqi umr ki nind uD gai

KHwab kya dekha ki dhaDka lag gaya tabir ka

Ahmad Faraz

ishq ke sho.ale ko bhaḌkāo ki kuchh raat kaTe

dil ke añgāre ko dahkāo ki kuchh raat kaTe

ishq ke shoale ko bhaDkao ki kuchh raat kaTe

dil ke angare ko dahkao ki kuchh raat kaTe

Makhdoom Mohiuddin

aaj na jaane raaz ye kyā hai

hijr raat aur itnī raushan

aaj na jaane raaz ye kya hai

hijr ki raat aur itni raushan

Jigar Moradabadi

raat ko roz Duub jaatā hai

chāñd ko tairnā sikhānā hai

raat ko roz Dub jata hai

chand ko tairna sikhana hai

Bedil Haidri

abhī raat kuchh hai baaqī na uThā naqāb saaqī

tirā rind girte girte kahīñ phir sambhal na jaa.e

as yet the night does linger on do not remove your veil

lest your besotten follower re-gains stability

abhi raat kuchh hai baqi na uTha naqab saqi

tera rind girte girte kahin phir sambhal na jae

as yet the night does linger on do not remove your veil

lest your besotten follower re-gains stability

Anwar Mirzapuri

ai raat mujhe maañ tarah god meñ le le

din bhar mashaqqat se badan TuuT rahā hai

ai raat mujhe man ki tarah god mein le le

din bhar ki mashaqqat se badan TuT raha hai

Tanveer Sipra

ham to raat matlab samjheñ ḳhvāb, sitāre, chāñd, charāġh

aage ahvāl vo jaane jis ne raat guzārī ho

hum to raat ka matlab samjhen KHwab, sitare, chand, charagh

aage ka ahwal wo jaane jis ne raat guzari ho

Irfan Siddiqi

log kahte haiñ raat biit chukī

mujh ko samjhāo! maiñ sharābī huuñ

log kahte hain raat bit chuki

mujh ko samjhao! main sharabi hun

Saghar Siddiqui

hichkiyāñ raat dard tanhā.ī

aa bhī jaao tasalliyāñ de do

hichkiyan raat dard tanhai

aa bhi jao tasalliyan de do

Nasir Jaunpuri

ye tanhā raat ye gahrī fazā.eñ

use DhūñDeñ ki us ko bhuul jaa.eñ

ye tanha raat ye gahri fazaen

use DhunDen ki us ko bhul jaen

Ahmad Mushtaq

hamāre ḳhvāb chorī ho ga.e haiñ

hameñ rātoñ ko niiñd aatī nahīñ hai

hamare KHwab chori ho gae hain

hamein raaton ko nind aati nahin hai

Bakhsh Layalpuri

mirī nazar meñ vahī mohnī mūrat hai

ye raat hijr hai phir bhī ḳhūb-sūrat hai

meri nazar mein wahi mohni si murat hai

ye raat hijr ki hai phir bhi KHub-surat hai

Khalilur Rahman Azmi

har ek raat ko mahtāb dekhne ke liye

maiñ jāgtā huuñ tirā ḳhvāb dekhne ke liye

har ek raat ko mahtab dekhne ke liye

main jagta hun tera KHwab dekhne ke liye

Azhar Inayati

thā va.ada shaam magar aa.e vo raat ko

maiñ bhī kivāḌ kholne fauran nahīñ gayā

tha wada sham ka magar aae wo raat ko

main bhi kiwaD kholne fauran nahin gaya

Anwar Shuoor

pahle nahā.ī os meñ phir āñsuoñ meñ raat

yuuñ buuñd buuñd utrī hamāre gharoñ meñ raat

pahle nahai os mein phir aansuon mein raat

yun bund bund utri hamare gharon mein raat

Shahryar

raat baat mazkūr kyā

chhoḌiye raat ga.ī baat ga.ī

raat ki baat ka mazkur hi kya

chhoDiye raat gai baat gai

Chiragh Hasan Hasrat

raat ko raat kah diyā maiñ ne

sunte baukhlā ga.ī duniyā

raat ko raat kah diya main ne

sunte hi baukhla gai duniya

Hafeez Merathi

har taraf thī ḳhāmoshī aur aisī ḳhāmoshī

raat apne saa.e se ham bhī Dar ke ro.e the

har taraf thi KHamoshi aur aisi KHamoshi

raat apne sae se hum bhi Dar ke roe the

Bharat Bhushan Pant

maiñ sote sote ka.ī baar chauñk chauñk paḌā

tamām raat tire pahluoñ se aañch aa.ī

main sote sote kai bar chaunk chaunk paDa

tamam raat tere pahluon se aanch aai

Nasir Kazmi

maut bar-haq hai ek din lekin

niiñd rātoñ ko ḳhuub aatī hai

maut bar-haq hai ek din lekin

nind raaton ko KHub aati hai

Jamal Owaisi

tanhā.ī ke lamhāt ehsās huā hai

jab tāroñ bharī raat ehsās huā hai

tanhai ke lamhat ka ehsas hua hai

jab taron bhari raat ka ehsas hua hai

Naseem Shahjahanpuri

din kaTā jis tarah kaTā lekin

raat kaTtī nazar nahīñ aatī

din kaTa jis tarah kaTa lekin

raat kaTti nazar nahin aati

Syed Mohammad Asar

āñkhoñ ko sab niiñd bhī ḳhvāb bhī diye

ham ko shumār kartī rahī dushmanoñ meñ raat

aankhon ko sab ki nind bhi di KHwab bhi diye

hum ko shumar karti rahi dushmanon mein raat

Shahryar

chāñd bhī niklā sitāre bhī barābar nikle

mujh se achchhe to shab-e-ġham ke muqaddar nikle

chand bhi nikla sitare bhi barabar nikle

mujh se achchhe to shab-e-gham ke muqaddar nikle

Ahmad Mushtaq

raat aa jaa.e to phir tujh ko pukārūñ yā-rab

merī āvāz ujāle meñ bikhar jaatī hai

raat aa jae to phir tujh ko pukarun ya-rab

meri aawaz ujale mein bikhar jati hai

Javed Nasir

kuchh duur tak to chamkī thī mere lahū dhaar

phir raat apne saath bahā le ga.ī mujhe

kuchh dur tak to chamki thi mere lahu ki dhaar

phir raat apne sath baha le gai mujhe

Zeb Ghauri

raat aa.ī hai balāoñ se rihā.ī degī

ab na dīvār na zanjīr dikhā.ī degī

raat aai hai balaon se rihai degi

ab na diwar na zanjir dikhai degi

Anwar Masood

ham faqīroñ pairahan hai dhuup

aur ye raat apnī chādar hai

hum faqiron ka pairahan hai dhup

aur ye raat apni chadar hai

Abid Wadood

pūchhnā chāñd patā 'āzar'

jab akele meñ raat mil jaa.e

puchhna chand ka pata 'azar'

jab akele mein raat mil jae

Balwan Singh Azar

sub.h tak kaun jiyegā shab-e-tanhā.ī meñ

dil-e-nādāñ tujhe ummīd-e-sahar hai bhī to kyā

subh tak kaun jiyega shab-e-tanhai mein

dil-e-nadan tujhe ummid-e-sahar hai bhi to kya

Muztar Khairabadi

batā de kaise kāTūñ

raat aur aisī kaalī raat

tu hi bata de kaise kaTun

raat aur aisi kali raat

Zaki kakorvi

shab ke sannāTe meñ ye kis lahū gaatā hai

sarhad-e-dard se ye kis sadā aatī hai

shab ke sannaTe mein ye kis ka lahu gata hai

sarhad-e-dard se ye kis ki sada aati hai

Ali Sardar Jafri

umr bhar talḳh bedārī sāmāñ ho ga.iiñ

haa.e vo rāteñ ki jo ḳhvāb-e-pareshāñ ho ga.iiñ

umr bhar ki talKH bedari ka saman ho gain

hae wo raaten ki jo KHwab-e-pareshan ho gain

Akhtar Shirani

hijr meñ milne shab-e-māh ke ġham aa.e haiñ

chārasāzoñ ko bhī bulvāo ki kuchh raat kaTe

hijr mein milne shab-e-mah ke gham aae hain

chaarasazon ko bhi bulwao ki kuchh raat kaTe

Makhdoom Mohiuddin

din ke siine meñ dhaḌakte hue lamhoñ qasam

shab raftār-e-subuk-gām se Dartā hai

din ke sine mein dhaDakte hue lamhon ki qasam

shab ki raftar-e-subuk-gam se ji Darta hai

Javed Kamal Rampuri

aane vaalī aa nahīñ chuktī jaane vaalī bhī chukī

vaise to har jaane vaalī raat thī aane vaalī raat

aane wali aa nahin chukti jaane wali ja bhi chuki

waise to har jaane wali raat thi aane wali raat

Ataur Rahman Jameel

Added to your favorites

Removed from your favorites