vaqt do mujh par kaThin guzre haiñ saarī umr meñ

ik tire aane se pahle ik tire jaane ke ba.ad

waqt do mujh par kaThin guzre hain sari umr mein

ek tere aane se pahle ek tere jaane ke baad

musībat aur lambī zindagānī

buzurgoñ kī duā ne maar Daalā

musibat aur lambi zindagani

buzurgon ki dua ne mar Dala

mire gunāh ziyāda haiñ yā tirī rahmat

karīm tū hī batā de hisāb kar ke mujhe

mere gunah ziyaada hain ya teri rahmat

karim tu hi bata de hisab kar ke mujhe

ilāj-e-dard-e-dil tum se masīhā ho nahīñ saktā

tum achchhā kar nahīñ sakte maiñ achchhā ho nahīñ saktā

ilaj-e-dard-e-dil tum se masiha ho nahin sakta

tum achchha kar nahin sakte main achchha ho nahin sakta

vo gale se lipaT ke sote haiñ

āj-kal garmiyāñ haiñ jāḌoñ meñ

wo gale se lipaT ke sote hain

aaj-kal garmiyan hain jaDon mein