Muztar Khairabadi's Photo'

Muztar Khairabadi

1865 - 1927 | Gwalior, India

Grand father of noted poet and lyricist Javed Akhtar.

Grand father of noted poet and lyricist Javed Akhtar.

aa.ina dekh kar ġhurūr fuzūl

baat vo kar jo dūsrā na kare

aaina dekh kar ghurur fuzul

baat wo kar jo dusra na kare

āñkheñ na churāo dil meñ rah kar

chorī na karo ḳhudā ke ghar meñ

aankhen na churao dil mein rah kar

chori na karo KHuda ke ghar mein

aao to mere ā.ina-e-dil ke sāmne

aisā hasīñ dikhā.ūñ ki aisā na ho kahīñ

aao to mere aaina-e-dil ke samne

aisa hasin dikhaun ki aisa na ho kahin

āh-e-rasā ḳhudā ke liye dekh-bhāl ke

un bhī ghar milā huā dushman ke ghar se hai

aah-e-rasa KHuda ke liye dekh-bhaal ke

un ka bhi ghar mila hua dushman ke ghar se hai

aap se mujh ko mohabbat jo nahīñ hai na sahī

aur ba-qaul aap ke hone ko agar hai bhī to kyā

aap se mujh ko mohabbat jo nahin hai na sahi

aur ba-qaul aap ke hone ko agar hai bhi to kya

āshiqoñ ruuh ko ta.alīm-e-vahdat ke liye

jis jagah allāh rahtā hai vahāñ rahnā paḌā

aashiqon ki ruh ko talim-e-wahdat ke liye

jis jagah allah rahta hai wahan rahna paDa

ab kaun phire kū-e-but-e-dushman-e-dīñ se

allāh ke ghar kyuuñ na chale jaa.eñ yahīñ se

ab kaun phire ku-e-but-e-dushman-e-din se

allah ke ghar kyun na chale jaen yahin se

adū ko chhoḌ do phir jaan bhī māñgo to hāzir hai

tum aisā kar nahīñ sakte to aisā ho nahīñ saktā

adu ko chhoD do phir jaan bhi mango to hazir hai

tum aisa kar nahin sakte to aisa ho nahin sakta

agar taqdīr sīdhī hai to ḳhud ho jāoge sīdhe

ḳhafā baiThe raho tum ko manāne kaun aatā hai

agar taqdir sidhi hai to KHud ho jaoge sidhe

KHafa baiThe raho tum ko manane kaun aata hai

ahbāb-o-aqārib ke bartāv koī dekhe

avval to mujhe gāḌhā uupar se dabāte haiñ

ahbab-o-aqarib ke bartaw koi dekhe

awwal to mujhe gaDha upar se dabaate hain

ai buto rañj ke sāthī ho na ārām ke tum

kaam jab nahīñ aate ho to kis kaam ke tum

ai buto ranj ke sathi ho na aaram ke tum

kaam hi jab nahin aate ho to kis kaam ke tum

ai hinā rang-e-mohabbat to hai mujh meñ bhī nihāñ

tere dhoke meñ koī piis na Daale mujh ko

ai hina rang-e-mohabbat to hai mujh mein bhi nihan

tere dhoke mein koi pis na Dale mujh ko

ai ishq kahīñ le chal ye dair-o-haram chhūTeñ

in donoñ makānoñ meñ jhagḌā nazar aatā hai

ai ishq kahin le chal ye dair-o-haram chhuTen

in donon makanon mein jhagDa nazar aata hai

ai ḳhudā duniyā pe ab qabza butoñ chāhiye

ek ghar tere liye in sab ne ḳhālī kar diyā

ai KHuda duniya pe ab qabza buton ka chahiye

ek ghar tere liye in sab ne KHali kar diya

aisī qismat kahāñ ki jaam aatā

bū-e-mai bhī idhar nahīñ aa.ī

That I would get a goblet it was'nt my fate

now even the whiff of wine does'nt permeate

aisi qismat kahan ki jam aata

bu-e-mai bhi idhar nahin aai

That I would get a goblet it was'nt my fate

now even the whiff of wine does'nt permeate

apne dil ko tirī āñkhoñ pe fidā kartā huuñ

aaj bīmār pe bīmār qurbānī hai

apne dil ko teri aankhon pe fida karta hun

aaj bimar pe bimar ki qurbani hai

apnī mahfil meñ raqīboñ ko bulāyā us ne

un meñ bhī ḳhaas unheñ jin zarūrat dekhī

apni mahfil mein raqibon ko bulaya us ne

un mein bhi KHas unhen jin ki zarurat dekhi

asīr-e-panja-e-ahd-e-shabāb kar ke mujhe

kahāñ gayā mirā bachpan ḳharāb kar ke mujhe

asir-e-panja-e-ahd-e-shabab kar ke mujhe

kahan gaya mera bachpan KHarab kar ke mujhe

baaqī mohabbat meñ dil saaf huā itnā

jab sar ko jhukātā huuñ shīsha nazar aatā hai

baqi ki mohabbat mein dil saf hua itna

jab sar ko jhukata hun shisha nazar aata hai

baazū pe rakh ke sar jo vo kal raat so gayā

ārām ye milā ki mirā haat so gayā

bazu pe rakh ke sar jo wo kal raat so gaya

aaram ye mila ki mera hat so gaya

bichhaḌnā bhī tumhārā jīte-jī maut hai goyā

use kyā ḳhaak lutf-e-zindagī jis se judā tum ho

bichhaDna bhi tumhaara jite-ji ki maut hai goya

use kya KHak lutf-e-zindagi jis se juda tum ho

bose apne āriz-e-gulfām ke

mujhe de de tire kis kaam ke

bose apne aariz-e-gulfam ke

la mujhe de de tere kis kaam ke

burā huuñ maiñ jo kisī burā.iyoñ meñ nahīñ

bhale ho tum jo kisī bhalā nahīñ karte

bura hun main jo kisi ki buraiyon mein nahin

bhale ho tum jo kisi ka bhala nahin karte

but-kade meñ to tujhe dekh liyā kartā thā

ḳhaas ka.abe meñ to sūrat bhī dikhā.ī na ga.ī

but-kade mein to tujhe dekh liya karta tha

KHas kabe mein to surat bhi dikhai na gai

but-ḳhāne meñ kyā yād-e-ilāhī nahīñ mumkin

nāqūs se kyā kār-e-azāñ ho nahīñ saktā

but-KHane mein kya yaad-e-ilahi nahin mumkin

naqus se kya kar-e-azan ho nahin sakta

butoñ meñ nūr-e-zāt-e-kibriyā mālūm hotā hai

mujhe kuchh din se har patthar ḳhudā mālūm hotā hai

buton mein nur-e-zat-e-kibriya malum hota hai

mujhe kuchh din se har patthar KHuda malum hota hai

chāhat tamannā se koī aañch na aa.ī

ye aag mire dil meñ baḌe Dhab se lagī hai

chahat ki tamanna se koi aanch na aai

ye aag mere dil mein baDe Dhab se lagi hai

chūkī nazar jo zāhid-e-ḳhāna-ḳharāb

tauba uḌā ke le ga.ī botal sharāb

chuki nazar jo zahid-e-KHana-KHarab ki

tauba uDa ke le gai botal sharab ki

dam de diyā hai kis ruḳh-e-raushan yaad meñ

marne ke ba.ad bhī mire chehre pe nuur thā

dam de diya hai kis ruKH-e-raushan ki yaad mein

marne ke baad bhi mere chehre pe nur tha

dam nikal jā.egā ruḳhsat abhī naam na lo

tum jo uTThe to biThā dūñgā azādāroñ meñ

dam nikal jaega ruKHsat ka abhi nam na lo

tum jo uTThe to biTha dunga azadaron mein

dam-e-ḳhvāb-e-rāhat bulāyā unhoñ ne to dard-e-nihāñ kahānī kahūñgā

mirā haal likhne ke qābil nahīñ hai agar mil ga.e to zabānī kahūñgā

dam-e-KHwab-e-rahat bulaya unhon ne to dard-e-nihan ki kahani kahunga

mera haal likhne ke qabil nahin hai agar mil gae to zabani kahunga

dekh kar ka.abe ko ḳhālī maiñ ye kah kar aa gayā

aise ghar ko kyā karūñgā jis ke andar nahīñ

dekh kar kabe ko KHali main ye kah kar aa gaya

aise ghar ko kya karunga jis ke andar tu nahin

dhoke se bulā kar jo milā thā to vo mujh se

jab milte haiñ kahte haiñ daġhābāz kahīñ

dhoke se bula kar jo mila tha to wo mujh se

jab milte hain kahte hain daghabaz kahin ka

dil kaam nahīñ to na lo jaan nazr hai

itnī zarā baat pe jhagḌā na chāhiye

dil kaam ka nahin to na lo jaan nazr hai

itni zara si baat pe jhagDa na chahiye

dil ko maiñ apne paas kyuuñ rakkhūñ

le agar ye terā hai

dil ko main apne pas kyun rakkhun

tu hi le ja agar ye tera hai

dil kyā kare jo raaz mohabbat khul gayā

maiñ kyā karūñ ki ishq ik nāmvar se hai

dil kya kare jo raaz mohabbat ka khul gaya

main kya karun ki ishq hi ek namwar se hai

dil un ko muft dene meñ dushman ko rashk kyuuñ

ham apnā maal dete haiñ is meñ kisī kyā

dil un ko muft dene mein dushman ko rashk kyun

hum apna mal dete hain is mein kisi ka kya

ek ham haiñ ki jahāñ jaa.eñ bure kahlā.eñ

ek vo haiñ ki jahāñ jaa.eñ vahīñ achchhe haiñ

ek hum hain ki jahan jaen bure kahlaen

ek wo hain ki jahan jaen wahin achchhe hain

fanā ke ba.ad is duniyā meñ kuchh baaqī nahīñ rahtā

faqat ik naam achchhā burā mash.hūr rahtā hai

fana ke baad is duniya mein kuchh baqi nahin rahta

faqat ek nam achchha ya bura mashhur rahta hai

ga.e ham dair se ka.abe magar ye kah ke phir aa.e

ki terī shakl kuchh achchhī vahīñ mālūm hotī hai

gae hum dair se kabe magar ye kah ke phir aae

ki teri shakl kuchh achchhi wahin malum hoti hai

haal us ne hamārā pūchhā hai

pūchhnā ab hamāre haal kyā

haal us ne hamara puchha hai

puchhna ab hamare haal ka kya

haal zāhid jo mai-e-nāb pūchhe to kahūñ

hai ye vo chiiz jo kāfir ko musalmān kare

haal zahid jo mai-e-nab ka puchhe to kahun

hai ye wo chiz jo kafir ko musalman kare

hāl-e-dil aġhyār se kahnā paḌā

gul qissa ḳhaar se kahnā paḌā

haal-e-dil aghyar se kahna paDa

gul ka qissa KHar se kahna paDa

ham se achchhā nahīñ milne agar tum chāho

tum se achchhe abhī milte haiñ agar ham chāheñ

hum se achchha nahin milne ka agar tum chaho

tum se achchhe abhi milte hain agar hum chahen

hamāre ek dil ko un do zulfoñ ne gherā hai

ye kahtī hai ki merā hai vo kahtī hai ki merā hai

hamare ek dil ko un ki do zulfon ne ghera hai

ye kahti hai ki mera hai wo kahti hai ki mera hai

hamāre mai-kade meñ ḳhair se har chiiz rahtī hai

magar ik tiis din ke vāste roze nahīñ rahte

hamare mai-kade mein KHair se har chiz rahti hai

magar ek tis din ke waste roze nahin rahte

hasīnoñ par nahīñ martā maiñ is hasrat meñ martā huuñ

ki aise aise logoñ ke liye zālim qazā kyuuñ hai

hasinon par nahin marta main is hasrat mein marta hun

ki aise aise logon ke liye zalim qaza kyun hai

hasratoñ ko koī kahāñ rakkhe

dil ke andar qayām hai terā

hasraton ko koi kahan rakkhe

dil ke andar qayam hai tera

hastī-e-ġhair sajda hai mohabbat meñ gunāh

aap apnī parastish ke sazā-vār haiñ ham

hasti-e-ghair ka sajda hai mohabbat mein gunah

aap hi apni parastish ke saza-war hain hum

hazāroñ husn vaale is zamīñ meñ dafn haiñ 'muztar'

qayāmat hogī jab ye sab ke sab madfan se nikleñge

hazaron husn wale is zamin mein dafn hain 'muztar'

qayamat hogi jab ye sab ke sab madfan se niklenge

Added to your favorites

Removed from your favorites